പു​ൽ​മേ​ടും പ​ച്ച​പ്പും സം​ര​ക്ഷി​ക്ക​ണം; സ​ഞ്ചാ​രി​ക​ളോ​ട് അ​ഭ്യ​ർ​ഥ​ന​യു​മാ​യി മ​ന്ത്രാ​ല​യം

ദോ​ഹ: സീ​സ​ണി​ലെ ആ​ദ്യ മ​ഴ സു​ല​ഭ​മാ​യി പെ​യ്തൊ​ഴി​ഞ്ഞ​തി​നു പി​ന്നാ​ലെ, നാ​ടി​ന്റെ പ​ച്ച​പ്പും പ്ര​കൃ​തി​യും പു​ൽ​മേ​ടു​ക​ളും സം​ര​ക്ഷി​ക്ക​ണ​മെ​ന്ന് ഓ​ർ​മ​പ്പെ​ടു​ത്തി പ​രി​സ്ഥി​തി, കാ​ലാ​വ​സ്ഥ വ്യ​തി​യാ​ന മ​ന്ത്രാ​ല​യം. പു​ൽ​മേ​ടു​ക​ളി​ലും ഹ​രി​ത പ്ര​ദേ​ശ​ങ്ങ​ളി​ലും സ​ന്ദ​ർ​ശ​നം ന​ട​ത്തു​ന്ന​വ​ർ നി​യു​ക്ത വ​ഴി​ക​ൾ മാ​ത്രം ഉ​പ​യോ​ഗ​പ്പെ​ടു​ത്തി പ്ര​കൃ​തി സം​ര​ക്ഷ​ണം ഉ​റ​പ്പാ​ക്ക​ണ​മെ​ന്ന് മ​ന്ത്രാ​ല​യം സ​ഞ്ചാ​രി​ക​ളോ​ട് ആ​വ​ശ്യ​പ്പെ​ട്ടു.

പു​ൽ​മേ​ടു​ക​ളി​ൽ വാ​ഹ​ന​ങ്ങ​ൾ പ്ര​വേ​ശി​പ്പി​ക്ക​രു​ത്. എ​ല്ലാ വ​ർ​ഷ​വും ഈ ​സീ​സ​ണി​ൽ ചെ​ടി​ക​ളും ഔ​ഷ​ധ​സ​സ്യ​ങ്ങ​ളും ത​ഴ​ച്ചു​വ​ള​രാ​ൻ തു​ട​ങ്ങു​ന്ന​തി​നാ​ൽ പു​റ​ത്തി​റ​ങ്ങു​ന്ന​വ​ർ പു​ൽ​മേ​ടു​ക​ളു​ൾ​പ്പെ​ടെ​യു​ള്ള സ്ഥ​ല​ങ്ങ​ളി​ലേ​ക്ക് വാ​ഹ​ന​ങ്ങ​ളു​മാ​യി പ്ര​വേ​ശി​ക്ക​രു​തെ​ന്ന് ആ​വ​ശ്യ​പ്പെ​ടു​ക​യാ​ണെ​ന്ന് പ​രി​സ്ഥി​തി മ​ന്ത്രി ശൈ​ഖ് ഫാ​ലി​ഹ് ബി​ൻ നാ​സ​ർ ബി​ൻ അ​ഹ്മ​ദ് ബി​ൻ അ​ലി ആ​ൽ​ഥാ​നി അ​റി​യി​ച്ചു.

‘‘പ്രാ​ദേ​ശി​ക പ​രി​സ്ഥി​തി ന​മ്മു​ടെ പൈ​തൃ​ക​മാ​ണ്. ബ​ന്ധ​പ്പെ​ട്ട അ​ധി​കാ​രി​ക​ളു​ടെ നി​ർ​ദേ​ശ​ങ്ങ​ൾ പാ​ലി​ക്കു​ന്ന​തി​ലൂ​ടെ ന​മു​ക്ക് അ​തി​നെ സം​ര​ക്ഷി​ക്കാ​നും അ​തി​ന്റെ വ​ള​ർ​ച്ച​ക്ക് സം​ഭാ​വ​ന ന​ൽ​കാ​നും ക​ഴി​യും’’ -എ​ക്‌​സ് പ്ലാ​റ്റ്‌​ഫോ​മി​ൽ മ​ന്ത്രി രേ​ഖ​പ്പെ​ടു​ത്തി.

വാ​ഹ​ന​മോ​ടി​ക്കു​ന്ന​വ​ർ​ക്ക് മു​ന്ന​റി​യി​പ്പ് ന​ൽ​കാ​നും പു​ൽ​മേ​ടു​ക​ളി​ലേ​ക്ക് വാ​ഹ​ന​ങ്ങ​ൾ പ്ര​വേ​ശി​ക്കു​ന്ന​ത് ത​ട​യാ​നും മ​ന്ത്രാ​ല​യം നി​ർ​ദേ​ശ​ങ്ങ​ള​ട​ങ്ങി​യ ബോ​ർ​ഡു​ക​ൾ സ്ഥാ​പി​ച്ചി​ട്ടു​ണ്ട്. സ്ഥ​ല​ങ്ങ​ൾ സം​ര​ക്ഷി​ക്കു​ന്ന​തി​നും പാ​ർ​ക്കു​ക​ളി​ലും പ്ര​കൃ​തി സം​ര​ക്ഷ​ണ കേ​ന്ദ്ര​ങ്ങ​ളി​ലും സ​ന്ദ​ർ​ശ​ക​ർ​ക്ക് ഉ​പ​ദേ​ശ​വും മാ​ർ​ഗ​നി​ർ​ദേ​ശ​വും ന​ൽ​കു​ന്ന​തി​നും മ​ന്ത്രാ​ല​യം പ​ട്രോ​ളി​ങ് ശ​ക്ത​മാ​ക്കി​യി​ട്ടു​ണ്ട്.

പ്രാ​ദേ​ശി​ക പ​രി​സ്ഥി​തി​യെ സം​ര​ക്ഷി​ക്കു​ന്ന​തി​നും പു​ന​ര​ധി​വ​സി​പ്പി​ക്കു​ന്ന​തി​നു​മു​ള്ള ശ്ര​മ​ങ്ങ​ൾ മ​ന്ത്രാ​ല​യം തു​ട​രു​ക​യാ​ണ്. മ​ഴ​ക്കാ​ല​ത്ത് പു​ൽ​മേ​ടു​ക​ളി​ൽ മ​ര​ങ്ങ​ളും ചെ​ടി​ക​ളും ന​ട്ടു​പി​ടി​പ്പി​ക്കു​ന്ന​ത് ഇ​തി​ൽ ഉ​ൾ​പ്പെ​ടും. 1995ലെ 32ാം ​ന​മ്പ​ർ നി​യ​മ​പ്ര​കാ​രം സ​സ്യ​ങ്ങ​ളെ​യും മ​ര​ങ്ങ​ളെ​യും ന​ശി​പ്പി​ക്കു​ന്ന​ത് നി​രോ​ധി​ച്ചി​രി​ക്കു​ന്ന​തോ​ടൊ​പ്പം തോ​ട്ടം മേ​ഖ​ല​ക​ളി​ൽ വാ​ഹ​ന​ങ്ങ​ളു​മാ​യി അ​ന​ധി​കൃ​ത​മാ​യി പ്ര​വേ​ശി​ക്കു​ന്ന​തും വി​ല​ക്കി​യി​രി​ക്കു​ന്നു.