സർക്കാർ രൂപവത്കരണം: ചർച്ചക്ക് തുടക്കം
text_fieldsകിരീടാവകാശി ശൈഖ് മിശ്അൽ അൽ അഹമ്മദ് അൽ ജാബിർ അസ്സബാഹ് സ്പീക്കർ അഹ്മദ്
അൽ സദൂനുമായി ചർച്ചയിൽ
കുവൈത്ത് സിറ്റി: പുതിയ സർക്കാർ രൂപവത്കരണവുമായി ബന്ധപ്പെട്ട് ഉന്നതതലത്തിൽ ചർച്ചകൾ ആരംഭിച്ചു. ഇതിന്റെ ആദ്യപടിയായി കിരീടാവകാശി ശൈഖ് മിശ്അൽ അൽ അഹമ്മദ് അൽ ജാബിർ അസ്സബാഹ് സ്പീക്കർ, മുൻ സ്പീക്കർ എന്നിവരുമായി ചർച്ച നടത്തി.
സ്പീക്കർ അഹ്മദ് അൽ സദൂനുമായി വിശദമായി സംസാരിച്ച കിരീടാവകാശി അഭിപ്രായങ്ങൾ ആരാഞ്ഞു. മുൻ സ്പീക്കർ മർസൂഖ് അൽ ഗാനിമുമായും ബയാൻ പാലസിൽ വെച്ച് കിരീടാവകാശി ചർച്ച നടത്തി.
എം.പിമാരുമായുള്ള പ്രധാനമന്ത്രിയുടെ കൂടിക്കാഴ്ച, മന്ത്രിമാരും കിരീടാവകാശിയുമായുള്ള കൂടിക്കാഴ്ചകളും ചർച്ചകളും എന്നിവ തുടർദിവസങ്ങളിൽ നടക്കും. ഇതിൽനിന്ന് ഉരുത്തിരിയുന്ന കാര്യങ്ങൾ വിലയിരുത്തിയാകും പുതിയ മന്ത്രിസഭ അംഗങ്ങളെ നിയമിക്കുക. പ്രധാനമന്ത്രി ശൈഖ് അഹമ്മദ് നവാഫ് അൽ അഹമ്മദ് അസ്സബാഹ് തൽസ്ഥാനത്ത് തുടരുമോ എന്നതിലും വൈകാതെ വ്യക്തത വരും.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.

