റ​മ​ദാ​നി​ലെ സ​ർ​ക്കാ​ർ ഓ​ഫി​സ് പ്ര​വ​ർ​ത്ത​ന സ​മ​യം പ്ര​ഖ്യാ​പി​ച്ചു

കു​വൈ​ത്ത് സി​റ്റി: കു​വൈ​ത്തി​ൽ സ​ർ​ക്കാ​ർ ഓ​ഫി​സു​ക​ളു​ടെ റ​മ​ദാ​നി​ലെ പ്ര​വ​ർ​ത്ത​ന സ​മ​യം പ്ര​ഖ്യാ​പി​ച്ചു. ഫ്ലെ​ക്സി​ബി​ള്‍ ജോ​ലി സ​മ​യം ന​ട​പ്പാ​ക്കു​മെ​ന്ന് ഉ​ത്ത​ര​വി​ൽ പ​റ​യു​ന്നു. രാ​വി​​ല​ത്തെ ഷി​ഫ്റ്റ് രാ​വി​ലെ 8.30നും ​വൈ​കീ​ട്ട​ത്തെ ഷി​ഫ്റ്റ് 6.45നും ​ആ​രം​ഭി​ക്കും. ഞാ​യ​ര്‍ മു​ത​ല്‍ വ്യാ​ഴം വ​രെ​യു​ള്ള പ്ര​വൃ​ത്തി ദി​വ​സ​ങ്ങ​ളി​ല്‍ നാ​ല​ര മ​ണി​ക്കൂ​റാ​ണ് റ​മ​ദാ​നി​ലെ ജോ​ലി സ​മ​യം.

ഇ​തി​ല്‍ സ്ത്രീ ​ജീ​വ​ന​ക്കാ​ര്‍ക്ക് ഷി​ഫ്റ്റു​ക​ളു​ടെ തു​ട​ക്ക​ത്തി​ലും അ​വ​സാ​ന​ത്തി​ലും 15 മി​നി​റ്റ് വീ​തം 30 മി​നി​റ്റ് ഗ്രേ​സ് പി​രീ​ഡ് അ​നു​വ​ദി​ക്കും. എ​ന്നാ​ല്‍, പു​രു​ഷ ജീ​വ​ന​ക്കാ​ര്‍ക്ക് 15 മി​നി​റ്റ് മാ​ത്ര​മേ ഗ്രേ​സ് പി​രീ​ഡ് അ​നു​വ​ദി​ക്കു​ക​യു​ള്ളൂ. ഗ്രേ​സ് പി​രീ​ഡി​ൽ തൊ​ഴി​ലാ​ളി​ക്ക് വേ​ണ​മെ​ങ്കി​ൽ ജോ​ലി ചെ​യ്യാ​തി​രി​ക്കാം. ഫ​ല​ത്തി​ൽ സ​ർ​ക്കാ​ർ ഓ​ഫി​സു​ക​ളി​ലെ വ​നി​ത ജീ​വ​ന​ക്കാ​ർ റ​മ​ദാ​നി​ൽ ദി​വ​സ​വും നാ​ലു​മ​ണി​ക്കൂ​റും പു​രു​ഷ ജീ​വ​ന​ക്കാ​ർ നാ​ലേ​കാ​ൽ മ​ണി​ക്കൂ​റും മാ​ത്ര​മേ ജോ​ലി ചെ​യ്യേ​ണ്ടി വ​രൂ.