കുവൈത്തിൽ ഗാ​ർ​ഹി​ക തൊ​ഴി​ലാ​ളി​ റി​ക്രൂ​ട്ട് നി​ര​ക്ക് പു​തു​ക്കി; വി​മാ​ന ടി​ക്ക​റ്റ് നി​ര്‍ബ​ന്ധ​മാ​ക്കി

കു​വൈ​ത്ത് സി​റ്റി: രാ​ജ്യ​ത്തേ​ക്ക് ഗാ​ർ​ഹി​ക തൊ​ഴി​ലാ​ളി​ക​ളെ റി​ക്രൂ​ട്ട് ചെ​യ്യു​ന്ന​തി​ന് പു​തു​ക്കി​യ നി​ര​ക്ക് പ്ര​ഖ്യാ​പി​ച്ചു. ഇ​തി​നൊ​പ്പം തൊ​ഴി​ലാ​ളി​ക​ളെ റി​ക്രൂ​ട്ട് ചെ​യ്യു​ന്ന​തി​ന് വി​മാ​ന ടി​ക്ക​റ്റും നി​ര്‍ബ​ന്ധ​മാ​ക്കി. ടി​ക്ക​റ്റ് നി​ർ​ബ​ന്ധ​മാ​ക്കി​യ​തോ​ടെ റി​ക്രൂ​ട്ട് ചെ​ല​വ് ഉ​യ​രും.

ഒ​ന്നാം ഉ​പ​പ്ര​ധാ​ന​മ​ന്ത്രി​യും ആ​ഭ്യ​ന്ത​ര മ​ന്ത്രി​യു​മാ​യ ശൈ​ഖ് ത​ലാ​ൽ ഖാ​ലി​ദ് അ​ൽ അ​ഹ​മ്മ​ദ് അ​സ്സ​ബാ​ഹി​ന്റെ നി​ർ​ദേ​ശ പ്ര​കാ​രം വാ​ണി​ജ്യ-​വ്യ​വ​സാ​യ മ​ന്ത്രി മു​ഹ​മ്മ​ദ് അ​ൽ അ​യ്ബാ​നാണ് പു​തി​യ നി​ര​ക്ക് പ്ര​ഖ്യാ​പി​ച്ച​ത്.

ഇ​ന്ത്യ, ശ്രീ​ല​ങ്ക, ബം​ഗ്ലാ​ദേ​ശ് തു​ട​ങ്ങി​യ ഏ​ഷ്യ​ൻ രാ​ജ്യ​ങ്ങ​ളി​ൽ നി​ന്ന് ഗാ​ര്‍ഹി​ക തൊ​ഴി​ലാ​ളി​ക​ളെ കൊ​ണ്ടു​വ​രു​ന്ന​തി​ന് 750 ദീ​നാ​ർ, ആ​ഫ്രി​ക്ക​ന്‍ രാ​ജ്യ​ങ്ങ​ളി​ല്‍ നി​ന്ന് 575 ദീ​നാ​ർ എ​ന്നി​ങ്ങ​നെ​യാ​ണ് നി​ര​ക്ക്. ഏ​ജ​ന്‍സി​ക​ള്‍ ഇ​ല്ലാ​തെ നേ​രി​ട്ട് ഗാ​ർ​ഹി​ക തൊ​ഴി​ലാ​ളി​യെ കൊ​ണ്ടു​വ​രു​ന്ന​തി​ന് 350 ദീ​നാ​റും ചെല​വ് വ​രും.

ക​മ്പ​നി​ക​ളു​മാ​യു​ള്ള ത​ര്‍ക്ക​ത്തെത്തുട​ര്‍ന്ന് കാ​ലാ​വ​ധി അ​വ​സാ​നി​ക്കു​ന്ന​തി​ന് മു​മ്പ് ഗാ​ർ​ഹി​ക തൊ​ഴി​ലാ​ളി​ക​ള്‍ നാ​ട്ടി​ലേ​ക്ക് മ​ട​ങ്ങു​ന്ന​ത് സാ​മ്പ​ത്തി​ക ബാ​ധ്യ​ത വ​രു​ത്തു​ന്ന​താ​യി സ്​​പോ​ൺ​സ​ർ​മാ​ർ നേ​ര​ത്തേ പ​രാ​തി​ക​ള്‍ ഉ​യ​ർ​ത്തി​യി​രു​ന്നു. ഇ​ത്ത​രം ഘ​ട്ട​ങ്ങ​ളി​ൽ ടി​ക്ക​റ്റ് വി​ല അ​ട​ക്ക​മു​ള്ള​വ കു​ടി​ശ്ശി​ക ഈ​ടാ​ക്കാ​ൻ നി​യ​മം സ്​​പോ​ൺ​സ​ർമാ​രെ സ​ഹാ​യി​ക്കും. പു​തി​യ നീ​ക്ക​ത്തി​ലൂ​ടെ തൊ​ഴി​ലു​ട​മ​ക​ളും റി​ക്രൂ​ട്ട്മെ​ന്റ് ഏ​ജ​ൻ​സി​ക​ളും ത​മ്മി​ലു​ള്ള ത​ർ​ക്ക​ങ്ങ​ൾ പ​രി​ഹ​രി​ക്കാ​ന്‍ സാ​ധി​ക്കു​മെ​ന്നാ​ണ് പ്ര​തീ​ക്ഷ.

അ​തി​നി​ടെ, ഗാ​ർ​ഹി​ക തൊ​ഴി​ലാ​ളി റി​ക്രൂ​ട്ട്‌​മെ​ന്റ് ഓ​ഫിസു​ക​ളി​ൽ പ​ണ​മ​ട​ക്കാ​ൻ കെ ​നെ​റ്റ് ഉ​പ​യോ​ഗ​പ്പെ​ടു​ത്താ​ൻ പ​ബ്ലി​ക് മാ​ൻ പ​വ​ർ അ​തോ​റി​റ്റി, വാ​ണി​ജ്യ​മ​ന്ത്രാ​ല​യം എ​ന്നി​വ ആ​ഹ്വാ​നം ചെ​യ്തു.

ഓ​ഫിസു​ക​ൾ പ്ര​ഖ്യാ​പി​ച്ച നി​ര​ക്ക് പാ​ലി​ക്കു​ന്നി​ല്ലെ​ങ്കി​ൽ ഹോ​ട്ട് ലൈ​ൻ ന​മ്പ​റാ​യ (96966595) ലും ​വാ​ണി​ജ്യ മ​ന്ത്രാ​ല​യ(135)​ത്തി​ലും പ​രാ​തി സ​മ​ർ​പ്പി​ക്കാ​നും അ​ഭ്യ​ർ​ഥി​ച്ചു. തൊ​ഴി​ൽ റി​ക്രൂ​ട്ട്‌​മെ​ന്റ് ഓ​ഫിസു​ക​ൾ പ​രി​ശോ​ധി​ക്കു​ന്ന​തി​ന് ആ​ഭ്യ​ന്ത​ര, മാ​ന​വ​ശേ​ഷി മ​ന്ത്രാ​ല​യ​വും വാ​ണി​ജ്യ മ​ന്ത്രാ​ല​യ​വും ചേ​ർ​ന്ന് സം​യു​ക്ത പ്ര​വ​ർ​ത്ത​ക സ​മി​തി രൂ​പ​വ​ത്ക​രി​ക്കും.

തീ​രു​മാ​ന​ങ്ങ​ൾ ലം​ഘി​ക്കു​ന്ന ലേ​ബ​ർ റി​ക്രൂ​ട്ട്‌​മെ​ന്റ് ഓ​ഫിസു​ക​ൾ​ക്കെ​തി​രെ​യും ഗാ​ർ​ഹി​ക തൊ​ഴി​ലാ​ളി​ക​ൾ​ക്കെ​തി​രെ​യും ക​ർ​ശ​ന നി​യ​മ​ന​ട​പ​ടി​ക​ൾ സ്വീ​ക​രി​ക്കു​മെ​ന്നും പ​ബ്ലി​ക് മാ​ൻ പ​വ​ർ അ​തോ​റി​റ്റി, വാ​ണി​ജ്യ​മ​ന്ത്രാ​ല​യം എ​ന്നി​വ വ്യ​ക്ത​മാ​ക്കി.