ഫാ. മാത്യു എം. മാത്യൂസിന് കെ.ജെ.പി.എസ് യാത്രയയപ്പ് നൽകി

കുവൈത്ത് സിറ്റി: കുവൈത്തിലെ ഔദ്യോഗിക പദവി പൂർത്തീകരിച്ച് നാട്ടിലേക്കു മടങ്ങുന്ന കരുനാഗപ്പള്ളി മണപ്പള്ളി സ്വദേശിയും കൊല്ലം ജില്ല പ്രവാസി സമാജം അംഗവും സെൻറ് ബേസിൽ ഇന്ത്യൻ ഓർത്തഡോക്സ് ചർച്ച് വികാരിയുമായ ഫാ. മാത്യു എം. മാത്യൂസിനു സമാജം യാത്രയയപ്പ് നൽകി. പ്രസിഡൻറ് സലിം രാജ് അധ്യക്ഷത വഹിച്ചു. ജനറൽ സെക്രട്ടറി അലക്സ് മാത്യു സ്വാഗതം പറഞ്ഞു.

രക്ഷാധികാരികളായ ജേക്കബ് ചണ്ണപ്പെട്ട, ജോയ് ജോൺ തുരുത്തിക്കര, സെക്രട്ടറിമാരായ ജയൻ സദാശിവൻ, പ്രമീൾ പ്രഭാകരൻ, വർഗീസ് വൈദ്യൻ, റെജി മത്തായി, വനിതവേദി കൺവീനർ റീനി ബിനോയ് എന്നിവർ സംസാരിച്ചു.

സമാജത്തിന്‍റെ ഉപഹാരം സലിം രാജ് നൽകി. ഫാ. മാത്യു എം. മാത്യൂസ് മറുപടിപ്രസംഗം നടത്തി. ട്രഷറർ തമ്പി ലൂക്കോസ് നന്ദി പറഞ്ഞു.