മദ്യവുമായി നാല്​ ഇന്ത്യക്കാർ പിടിയിൽ

കുവൈത്ത്​ സിറ്റി: കുവൈത്തിൽ മദ്യവുമായി നാല്​ ഇന്ത്യക്കാർ അറസ്​റ്റിലായി. ഇവരെ തിരിച്ചുവരാൻ കഴിയാത്ത വിധം വിരലടയാളമെടുത്ത്​ നാടുകടത്തും. ഇവർക്ക്​ മദ്യം ​ലഭിച്ച കേന്ദ്രം സംബന്ധിച്ച്​ അധികൃതർ അന്വേഷണം ആരംഭിച്ചതായി കാപിറ്റൽ സെക്യൂരിറ്റി ഡയറക്​​ടറേറ്റ്​ മേധാവി അബ്​ദീൻ അൽ അബ്​ദീൻ പറഞ്ഞു. മറ്റൊരു സംഭവത്തിൽ മയക്കുമരുന്ന്​ ഉൽപന്നങ്ങളുമായി അറബ്​ വംശജനെ പിടികൂടി. ബിനീദ്​ അൽ ഗാറിൽ മിന്നൽ പരിശോധന കാമ്പയിനിൽ അരമണിക്കൂറിനിടെ വ്യത്യസ്​ത ഇടങ്ങളിൽനിന്ന്​ മദ്യവുമായി ആറു​ വിദേശികൾ പിടിയിലായതായും അധികൃതർ വ്യക്​തമാക്കി.