ഡീസൽ മോഷണം; കുവൈത്തിൽ നാല് ഇന്ത്യക്കാർ അറസ്റ്റിൽ

കുവൈത്ത് സിറ്റി: ഡീസൽ മോഷണവും ടെലികോം ടവറുകൾക്ക് കേടുപാടുകളും വരുത്തിയ കേസിൽ നാല് ഇന്ത്യക്കാർ അറസ്റ്റിൽ. ജാബർ അൽ അഹമ്മദിലാണ് സംഭവം.ക്രിമിനൽ സെക്യൂരിറ്റി വിഭാഗം നടത്തിയ അന്വേഷണത്തിലാണ് പ്രതികളെ പിടികൂടിയത്.

ടവർ പരിപാലനത്തിന് കരാർ ലഭിച്ച കമ്പനിയിലെ ജീവനക്കാരാണ് പ്രതികൾ. ടവറുകളിൽ നിന്ന് ഡീസൽ മോഷ്ടിച്ച് ഒരു ഭാഗം വിൽപ്പന നടത്തിയതായും അന്വേഷണത്തിൽ കണ്ടെത്തി. രണ്ട് വർഷത്തിനിടെ വിവിധ സ്ഥലങ്ങളിൽ മോഷണം നടത്തിയതായി പ്രതികൾ സമ്മതിച്ചു.