മെ​ഡി​ക്ക​ൽ രേ​ഖ​ക​ളി​ൽ കൃ​ത്രി​മം കാ​ണി​ച്ച നാ​ലു പേ​ർ അ​റ​സ്റ്റി​ൽ

കു​വൈ​ത്ത് സി​റ്റി: ആ​രോ​ഗ്യ മ​ന്ത്രാ​ല​യ​ത്തി​ന്റെ പേ​രി​ലു​ള്ള മെ​ഡി​ക്ക​ൽ റി​പ്പോ​ർ​ട്ടു​ക​ൾ വ്യാ​ജ​മാ​യി നി​ർ​മി​ച്ച​തി​ന് ര​ണ്ടു സ്വ​ദേ​ശി​ക​ളെ​യും ര​ണ്ടു പ്ര​വാ​സി​ക​ളെ​യും അ​റ​സ്റ്റ് ചെ​യ്യാ​ൻ പ​ബ്ലി​ക് പ്രോ​സി​ക്യൂ​ഷ​ൻ ഉ​ത്ത​ര​വി​ട്ടു. നീ​തി​ന്യാ​യ മ​ന്ത്രാ​ല​യ​ത്തി​ലെ തൊ​ഴി​ലു​ട​മ​ക്ക് സ​മ​ർ​പ്പി​ക്കാ​ൻ ബ​ന്ധു​വി​ന് റി​പ്പോ​ർ​ട്ട് ന​ൽ​കി​യ​തി​നാ​ണ് ഒ​രാ​ൾ​ക്കെ​തി​രെ കേ​സ്. പ്ര​തി​ക​ളി​ൽ ഒ​രാ​ളു​ടെ വ​സ​തി​യി​ൽ ന​ട​ത്തി​യ പ​രി​ശോ​ധ​ന​യി​ൽ ആ​രോ​ഗ്യ​മ​ന്ത്രാ​ല​യം മെ​ഡി​ക്ക​ൽ റി​പ്പോ​ർ​ട്ട് ഫോ​റ​ങ്ങ​ളും മു​ദ്ര​ക​ളും ക​ണ്ടെ​ത്തി​യ​താ​യി അ​ൽ റാ​യി പ​ത്രം റി​പ്പോ​ർ​ട്ട് ചെ​യ്തു.

വ്യാ​ജ പ​രി​ച​യ സ​ർ​ട്ടി​ഫി​ക്ക​റ്റ് ന​ൽ​കി​യ ഈ​ജി​പ്ത് ഡോ​ക്ട​റെ ക​ഴി​ഞ്ഞ മാ​സം കോ​ട​തി ഒ​രു മാ​സ​ത്തെ ത​ട​വി​നും നാ​ടു​ക​ട​ത്ത​ലി​നും ശി​ക്ഷി​ച്ചി​രു​ന്നു. കു​വൈ​ത്തി​ൽ സ്വ​കാ​ര്യ ആ​ശു​പ​ത്രി​യി​ൽ ജോ​ലി ചെ​യ്തി​രു​ന്ന ഡോ​ക്ട​ർ മ​റ്റൊ​രു രാ​ജ്യ​ത്തേ​ക്ക് ജോ​ലി​ക്കാ​യി അ​പേ​ക്ഷ സ​മ​ർ​പ്പി​ച്ചി​രു​ന്നു. ഇ​തി​നൊ​പ്പം ന​ൽ​കി​യ എ​ക്സ്പീ​രി​യ​ൻ​സ് സ​ർ​ട്ടി​ഫി​ക്ക​റ്റ് പ​രി​ശോ​ധി​ച്ച​പ്പോ​ഴാ​ണ് വ്യാ​ജ​മെ​ന്ന് തെ​ളി​ഞ്ഞ​ത്. വ്യാ​ജ സ​ർ​ട്ടി​ഫി​ക്ക​റ്റു​ക​ൾ​ക്കെ​തി​രെ രാ​ജ്യ​ത്ത് ക​ർ​ശ​ന ന​ട​പ​ടി​യാ​ണ് സ്വീ​ക​രി​ക്കു​ന്ന​ത്.