ഫോസ കുവൈത്ത് ‘പ്ലാറ്റിനം ഫൊസ്റ്റാൾജിയ’ ഇന്ന്

കുവൈത്ത് സിറ്റി: 75 വർഷം പിന്നിടുന്ന മലബാറിലെ പ്രശസ്ത കലാലയമായ ഫാറൂഖ് കോളജിന്റെ പ്ലാറ്റിനം ജൂബിലി ആഘോഷങ്ങളിൽ കുവൈത്തും പങ്കാളിയാകുന്നു.

ഫാറൂഖ് കോളജ് ഓൾഡ് സ്റ്റുഡന്റ്സ് അസോസിയേഷൻ (ഫോസ) കുവൈത്ത് ഘടകത്തിന്റെ നേതൃത്വത്തിൽ വെള്ളിയാഴ്ച പൂർവ വിദ്യാർഥികളും രക്ഷിതാക്കളും ഒത്തുചേരും. ഫാറൂഖ് കോളജ് പ്രിൻസിപ്പൽ കെ.എം. നസീർ, ഫോസ സെൻട്രൽ കമ്മിറ്റി സെക്രട്ടറി പ്രഫ. യൂസഫ് അലി, സെൻട്രൽ കമ്മിറ്റി അംഗം കെ.വി. അഹമ്മദ് കോയ എന്നിവർ ആഘോഷങ്ങളിൽ പങ്കുചേരും. വ്യാഴാഴ്ച കുവൈത്തിൽ എത്തിയ ഇവരെ വിമാനത്താവളത്തിൽ ഫോസ അംഗങ്ങൾ സ്വീകരിച്ചു.

ഖൈത്താൻ രാജധാനി ഓഡിറ്റോറിയത്തിൽ വെള്ളിയാഴ്ച ഉച്ചക്ക് ഒരു മണിക്കാണ് പരിപാടികൾ. കുവൈത്തിലുള്ള ഫോസ അംഗങ്ങളും കുടുംബവും പങ്കെടുക്കുമെന്നു ഫോസ കുവൈത്ത് പ്രസിഡന്റ് മുഹമ്മദ് റാഫിയും ജനറൽ സെക്രട്ടറി റിയാസ് അഹമ്മദും അറിയിച്ചു. ഫാറൂഖ് കോളജ് പൂർവ വിദ്യാർഥികൾ, നിലവിൽ പഠിക്കുന്ന വിദ്യാർഥികളുടെ രക്ഷിതാക്കൾ, അഭ്യുദയകാംക്ഷികൾ എന്നിവരും പങ്കെടുക്കും. കൂടുതൽ വിവരങ്ങൾക്കും രജിസ്ട്രേഷനും 99594317/ 97848077എന്നീ നമ്പറുകളിൽ വിളിക്കാം.

ഫാ​റൂ​ഖ് കോ​ള​ജ്-​കു​വൈ​ത്ത്; പ​തി​റ്റാ​ണ്ടു​ക​ൾ നീ​ളു​ന്ന ബ​ന്ധം

ഫാ​റൂ​ഖ് കോ​ള​ജ് ക​ഴി​ഞ്ഞ ഏ​ഴു പ​തി​റ്റാ​ണ്ടി​നി​ട​യി​ൽ കേ​ര​ളീ​യ സ​മൂ​ഹ​ത്തി​ൽ സൃ​ഷ്ടി​ച്ച വി​പ്ല​വം അ​തു​ല്യ​മാ​ണെ​ന്ന് കോ​ള​ജ് പ്രി​ൻ​സി​പ്പ​ൽ കെ.​എം. ന​സീ​ർ. ഫാ​റൂ​ഖ് കോ​ള​ജി​ൽ​നി​ന്ന് പ​ഠ​നം പൂ​ർ​ത്തി​യാ​ക്കി​യ​വ​ർ ലോ​ക​ത്തി​ന്റെ നാ​നാ​ഭാ​ഗ​ങ്ങ​ളി​ൽ സാ​മൂ​ഹി​ക-​സാം​സ്കാ​രി​ക- രാ​ഷ്ട്രീ​യ രം​ഗ​ങ്ങ​ളി​ൽ സ​ജീ​വ സാ​ന്നി​ധ്യ​മാ​ണെ​ന്നും അ​ദ്ദേ​ഹം പ​റ​ഞ്ഞു. ഫാ​റൂ​ഖ് കോ​ള​ജി​ന്റെ പ്ലാ​റ്റി​നം ജൂ​ബി​ലി ആ​ഘോ​ഷ ഭാ​ഗ​മാ​യി കു​വൈ​ത്തി​ലെ​ത്തി​യ​താ​യി​രു​ന്നു അ​ദ്ദേ​ഹം.

കാ​ന​ഡ, യു.​കെ അ​ട​ക്കം 14 വി​ദേ​ശ​രാ​ജ്യ​ങ്ങ​ളി​ൽ ഫാ​റൂ​ഖ് കോ​ള​ജ് പൂ​ർ​വ വി​ദ്യാ​ർ​ഥി സം​ഘ​ട​ന​യാ​യ ‘ഫോ​സ’​ക്ക് ചാ​പ്റ്റ​റു​ക​ളു​ണ്ട്. മി​ഡി​ലീ​സ്റ്റ് രാ​ജ്യ​ങ്ങ​ളി​ലെ ‘ഫോ​സ’ പ്ര​വ​ർ​ത്ത​ന​ങ്ങ​ൾ ശ്ര​ദ്ധേ​യ​മാ​ണെ​ന്നും അ​ദ്ദേ​ഹം പ​റ​ഞ്ഞു. ഫാ​റൂ​ഖ് കോ​ള​ജും കു​വൈ​ത്തു​മാ​യു​ള്ള ബ​ന്ധം പ​തി​റ്റാ​ണ്ടു​ക​ൾ നീ​ളു​ന്ന​താ​ണ്. 1961ൽ ​സ്ഥാ​പി​ത​മാ​യ ഫാ​റൂ​ഖ് കോ​ള​ജി​ലെ വി​ശാ​ല​മാ​യ യൂ​സ​ഫ് അ​ൽ സ​ഖ​ർ ഓ​ഡി​റ്റോ​റി​യം അ​തി​ന്റെ തെ​ളി​വാ​ണ്. കു​വൈ​ത്തി​ലെ പ്ര​മു​ഖ കു​ടും​ബ​മാ​യ അ​ൽ സ​ഖ​ർ ഫാ​മി​ലി​യാ​ണ് ഈ ​ഓ​ഡി​റ്റോ​റി​യം സ്ഥാ​പി​ച്ച​ത്.

2014ൽ ​ഇ​ദ്ദേ​ഹ​ത്തി​ന്റെ മ​ക​ൾ കോ​ള​ജി​ന് ഒ​രു സ്​​പോ​ർ​ട്സ് പ​വി​ലി​യ​ന് സം​ഭാ​വ​ന ന​ൽ​കി. ഫോ​സ കു​വൈ​ത്ത് ചാ​പ്റ്റ​ർ ഫാ​റൂ​ഖ് കോ​ള​ജ് 75ാം വാ​ർ​ഷി​കാ​ഘോ​ഷ പ​രി​പാ​ടി​യു​ടെ വേ​ള​യി​ൽ അ​ൽ സ​ഖ​ർ കു​ടും​ബ​ത്തെ​യും മ​റ്റ് അ​ഭ്യു​ദ​യ കാം​ക്ഷി​ക​ളെ​യും സ്നേ​ഹ​പൂ​ർ​വം അ​ഭി​വാ​ദ്യം ചെ​യ്യു​ന്ന​താ​യും കെ.​എം. ന​സീ​ർ പ​റ​ഞ്ഞു. 2015ൽ ​ഓ​ട്ടോ​ണ​മ​സ് പ​ദ​വി നേ​ടി​യ കോ​ള​ജ് യൂ​നി​വേ​ഴ്സി​റ്റി​യാ​യി മാ​റാ​നു​ള്ള ത​യാ​റെ​ടു​പ്പി​ലാ​ണെ​ന്നും അ​ദ്ദേ​ഹം കൂ​ട്ടി​ച്ചേ​ർ​ത്തു.