കുവൈത്ത്​ മുൻ ഉപപ്രധാനമന്ത്രി ശൈഖ്​ നാസർ സബാഹ്​ അന്തരിച്ചു

കുവൈത്ത്​ സിറ്റി: കുവൈത്ത്​ മുൻ ഉപപ്രധാനമന്ത്രിയും പ്രതിരോധ മന്ത്രിയും മുൻ അമീർ ശൈഖ്​ സബാഹ്​ അൽ അഹ്​മദ്​ അൽ ജാബിർ അസ്സബാഹി​െൻറ മൂത്ത മകനുമായ ശൈഖ്​ നാസർ സബാഹ്​ അൽ അഹ്​മദ്​ അസ്സബാഹ്​ അന്തരിച്ചു. 72 വയസ്സായിരുന്നു. ശൈഖ്​ സബാഹ്​ അൽ അഹ്​മദ്​ അസ്സബാഹി​െൻറ മരണത്തിന്​ പിന്നാലെ സബാഹ്​ കു​ടുംബത്തിന്​ രണ്ടാമത്തെ വേദനാജനകമായ വാർത്തയായി ശൈഖ്​ നാസറി​െൻറ നിര്യാണം. 2017 ഡിസംബർ 11 മുതൽ 2019 നവംബർ 18 വരെ കുവൈത്ത്​ ഒന്നാം ഉപപ്രധാനമന്ത്രിയും പ്രതിരോധമന്ത്രിയുമായിരുന്നു. മാസങ്ങളായി അസുഖബാധിതനായി ചികിത്സയിലായിരുന്നു. അടുത്ത കുവൈത്ത്​ കിരീടാവകാശി സ്ഥാനത്തേക്ക്​ പരിഗണിച്ചിരുന്ന മൂന്നു​ പ്രധാനികളിൽ ഒരാളായിരുന്നു.