ഫുട്ബാൾ ഷൂട്ടൗട്ട് മത്സരം സംഘടിപ്പിച്ചു
text_fieldsകുവൈത്ത് സിറ്റി: കേരള ആർട്ട് ലവേഴ്സ് അസോസിയേഷൻ കല കുവൈത്ത് അബുഹലീഫ ബി യൂനിറ്റിെൻറ നേതൃത്വത്തിൽ ഫുട്ബാൾ ഷൂട്ടൗട്ട് മത്സരം സംഘടിപ്പിച്ചു. അബുഹലീഫ ഫുട്ബാൾ ഗ്രൗണ്ടിൽ നടന്ന മത്സരത്തിൽ അബുഹലീഫ ബി യൂനിറ്റ് ചാമ്പ്യന്മാരായി. അബുഹലീഫ എ യൂനിറ്റ് രണ്ടാംസ്ഥാനം കരസ്ഥമാക്കി. 16 ടീമുകൾ പങ്കെടുത്ത ടൂർണമെൻറ് കല കുവൈത്ത് പ്രസിഡൻറ് ടി.വി. ഹിക്മത് ഉദ്ഘാടനം ചെയ്തു.
മേഖല എക്സിക്യൂട്ടിവ് അംഗം രഞ്ജിത്ത് അധ്യക്ഷത വഹിച്ചു. മേഖല സെക്രട്ടറി ജിതിൻ പ്രകാശ് സംസാരിച്ചു. മത്സരങ്ങൾ നിയന്ത്രിച്ച റഫറി ജിബുവിനുള്ള യൂനിറ്റിെൻറ സ്നേഹോപഹാരം മേഖല പ്രസിഡൻറ് നാസർ കടലുണ്ടി കൈമാറി. വിജയികൾക്കുള്ള ഉപഹാരങ്ങൾ ഹിക്മത്, വൈസ് പ്രസിഡൻറ് ജ്യോതിഷ് ചെറിയാൻ, കായിക വിഭാഗം സെക്രട്ടറി മാത്യു ജോസഫ്, കേന്ദ്ര കമ്മിറ്റി അംഗം വിനിത കുക്കരി എന്നിവർ വിതരണം ചെയ്തു.
കേന്ദ്ര കമ്മിറ്റി അംഗങ്ങളായ എം.പി. മുസഫർ, പ്രജോഷ്, മേഖല എക്സിക്യൂട്ടിവ് അംഗം കെ.എൻ. സുരേഷ് എന്നിവർ പങ്കെടുത്തു. യൂനിറ്റ് കൺവീനർ സതീഷ് രമണൻ സ്വാഗതവും മേഖല എക്സിക്യൂട്ടിവ് അംഗം പ്രവീഷ് വിജയൻ നന്ദിയും പറഞ്ഞു. അബുഹലീഫ ബി യൂനിറ്റ് അംഗങ്ങൾ, മേഖല എക്സിക്യൂട്ടിവ് അംഗങ്ങൾ എന്നിവർ ടൂർണമെൻറിന് നേതൃത്വം നൽകി.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.