വിമാന ഷെഡ്യൂളുകൾ വെട്ടിച്ചുരുക്കുന്നു; മലയാളികൾക്ക് ദുരിതയാത്ര

കു​വൈ​ത്ത് സി​റ്റി: വി​മാ​ന​ ഷെ​ഡ്യൂ​ളു​ക​ൾ നി​ര​ന്ത​രം വെ​ട്ടി​ക്കു​റ​ക്കു​ന്ന​തും റൂ​ട്ട് മാ​റ്റു​ന്ന​തും യാ​ത്ര​ക്കാ​ർ​ക്ക് പ്ര​യാ​സം സൃ​ഷ്ടി​ക്കു​ന്നു. കോ​ഴി​ക്കോ​ട്, ക​ണ്ണൂ​ർ എ​ന്നി​വി​ട​ങ്ങ​ളി​ലേ​ക്കു​ള്ള ഷെ​ഡ്യൂ​ളു​ക​ളാ​ണ് സാ​​ങ്കേ​തി​ക പ്ര​ശ്ന​ങ്ങ​ളു​ടെ കാ​ര​ണം പ​റ​ഞ്ഞ് കൂ​ടു​ത​ൽ റ​ദ്ദാ​ക്കു​ന്ന​ത്. ഞാ​യ​റാ​ഴ്ച കു​വൈ​ത്ത്- കോ​ഴി​ക്കോ​ട് എ​ക്സ്പ്ര​സ് മം​ഗ​ലാ​പു​രം വ​ഴി​യാ​ണ് യാ​ത്ര. ചൊ​വ്വാ​ഴ്ച കു​വൈ​ത്തി​ൽ നി​ന്നും ക​ണ്ണൂ​രി​ലേ​ക്ക് പോ​കു​ന്ന എ​യ​ർ ഇ​ന്ത്യ​ൻ എ​ക്സ്പ്ര​സ് റ​ദ്ദാ​ക്കി.

ചൊ​വ്വാ​ഴ്ച രാ​വി​ലെ 9.30ന് ​കു​വൈ​ത്തി​ൽ​നി​ന്ന് പു​റ​പ്പെ​ട്ട് വൈ​കീ​ട്ട് അ​ഞ്ചി​ന് ക​ണ്ണൂ​രി​ൽ എ​ത്തു​ന്ന വി​മാ​ന​മാ​ണ് റ​ദ്ദാ​ക്കി​യ​ത്. യാ​ത്ര​ക്കാ​ർ​ക്ക് അ​ടു​ത്ത ടി​ക്ക​റ്റ് റ​ദ്ദാ​ക്കു​ക​യോ അ​ടു​ത്ത ഷെ​ഡ്യൂ​ളി​ലേ​ക്ക് മാ​റു​ക​യോ ചെ​യ്യാ​മെ​ന്നും അ​റി​യി​ച്ചു. ചൊ​വ്വ, ഞാ​യ​ർ എ​ന്നി​ങ്ങ​നെ ആ​ഴ്ച​യി​ൽ ര​ണ്ട് സ​ർ​വി​സു​ക​ളാ​ണ് എ​യ​ർ ഇ​ന്ത്യ​ക്ക് ക​ണ്ണൂ​രി​ലേ​ക്കു​ള്ള​ത്.

ചൊ​വ്വാ​ഴ്ച​യി​ലെ വി​മാ​നം റ​ദ്ദാ​ക്കി​യ​തോ​ടെ പ​ല​ർ​ക്കും ഞാ​യ​റാ​ഴ്ച​യി​ലേ​ക്ക് യാ​ത്ര മാ​റ്റി​വെ​ക്കേ​ണ്ടി വ​ന്നി​രി​ക്കു​ക​യാ​ണ്. എ​യ​ർ ഇ​ന്ത്യ ചൊ​വ്വാ​ഴ്ച​ക​ളി​ലെ ക​ണ്ണൂ​ർ ഷെ​ഡ്യൂ​ൾ റ​ദ്ദാ​ക്കു​ന്ന​ത് ഇ​പ്പോ​ൾ പ​തി​വാ​യി​രി​ക്കു​ക​യാ​ണെ​ന്ന് ട്രാ​വ​ൽ​സ് രം​ഗ​ത്തു​ള്ള​വ​ർ ചൂ​ണ്ടി​ക്കാ​ട്ടി. ഇ​തോ​ടെ ക​ണ്ണൂ​രി​ലേ​ക്കു​ള്ള യാ​ത്ര​ക്കാ​ർ ഗോ​ഫ​സ്റ്റ് വി​മാ​ന​ത്തി​ലേ​ക്ക് മാ​റു​ന്നു​ണ്ട്. കു​വൈ​ത്തി​ൽ നി​ന്ന് ക​ണ്ണൂ​രി​ലേ​ക്ക് ഗോ​ഫ​സ്റ്റി​ന് ആ​ഴ്ച​യി​ൽ മൂ​ന്ന് സ​ർ​വി​സു​ണ്ട്.

അ​തി​നി​ടെ, ഞാ​യ​റാ​ഴ്ച കോ​ഴി​ക്കോ​ട്ടേ​ക്ക് പു​റ​പ്പെ​ടു​ന്ന എ​യ​ർ ഇ​ന്ത്യ എ​ക്സ്പ്ര​സ് ഷെ​ഡ്യൂ​ൾ മം​ഗ​ലാ​പു​രം വ​ഴി​യാ​ക്കി. കു​വൈ​ത്തി​ൽ​നി​ന്ന് പു​റ​പ്പെ​ടു​ന്ന വി​മാ​നം ആ​ദ്യം മം​ഗ​ലാ​പു​രം വി​മാ​ന​ത്താ​വ​ള​ത്തി​ൽ ഇ​റ​ങ്ങി തു​ട​ർ​ന്നാ​കും കോ​ഴി​ക്കോ​ട്ടേ​ക്ക് പു​റ​പ്പെ​ടു​ക. ഇ​തോ​ടെ കോ​ഴി​ക്കോ​ട്ടേ​ക്കു​ള്ള യാ​ത്ര​ക്കാ​ർ​ക്ക് ഒ​ന്ന​ര​മ​ണി​ക്കൂ​റോ​ളം അ​ധി​ക സ​മ​യം എ​ടു​ക്കും.

യാ​ത്ര​ക്കാ​ർ കു​റ​ഞ്ഞ​താ​ണ് ഷെ​ഡ്യൂ​ളു​ക​ൾ കു​റ​ക്കാ​നും വ​ഴി​തി​രി​ച്ചു​വി​ടാ​നും കാ​ര​ണ​മെ​ന്നാ​ണ് സൂ​ച​ന. എ​യ​ർ ഇ​ന്ത്യ വി​മാ​ന​ങ്ങ​ളു​ടെ നി​ര​ന്ത​ര പ്ര​ശ്ന​ങ്ങ​ൾ മ​റ്റു വി​മാ​ന ക​മ്പ​നി​ക​ളെ ആ​ശ്ര​യി​ക്കാ​ൻ യാ​ത്ര​ക്കാ​രെ പ്രേ​രി​പ്പി​ക്കു​ന്ന​താ​യി ട്രാ​വ​ൽ​സ് രം​ഗ​ത്തു​ള്ള​വ​ർ പ​റ​യു​ന്നു.