ഇന്ത്യ, കുവൈത്ത്​ ജോയൻറ്​ കമീഷൻ ആദ്യ യോഗം ഇൗ വർഷം

കുവൈത്ത്​ സിറ്റി: ഇന്ത്യ, കുവൈത്ത്​ ജോയൻറ്​ കമീഷ​െൻറ ആദ്യ യോഗം ഇൗ വർഷം നടത്തും. ആരോഗ്യം, ഹൈഡ്രോകാർബൺ, മാൻപവർ എന്നീ വിഷയങ്ങളിൽ ഉൗന്നിയാകും ആദ്യ യോഗം. മറ്റു മേഖലകളിലെ സഹകരണത്തിന്​ പുതിയ ജോയൻറ്​ വർക്കിങ്​ ഗ്രൂപ്പുകൾ രൂപവത്​കരിക്കാനും ധാരണയായിട്ടുണ്ട്​. ഇന്ത്യ കുവൈത്ത് നയതന്ത്ര ബന്ധത്തി​െൻറ അറുപതാം വാർഷികം സംയുക്തമായി ആഘോഷിക്കാൻ തീരുമാനിക്കുകയും ഒരു വർഷം നീളുന്ന ആഘോഷപരിപാടികൾക്ക്​ ഔദ്യോഗികമായി തുടക്കം കുറിക്കുകയും ചെയ്തു.

ഗാർഹികത്തൊഴിലാളികളുമായി ബന്ധപ്പെട്ട്​ ധാരണ പത്രത്തിൽ ഒപ്പിച്ചു. മന്ത്രിയുടെ സാന്നിധ്യത്തിൽ കുവൈത്തിലെ ഇന്ത്യൻ അംബാസഡർ സിബി ജോർജ്​, കുവൈത്ത്​ ഉപ വിദേശകാര്യ മന്ത്രി മജ്​ദി അഹ്​മദ്​ അൽ ദഫിരി എന്നിവരാണ്​ ധാരണപത്രത്തിൽ ഒപ്പിട്ടത്​. കുവൈത്തിലെത്തുന്ന ഇന്ത്യൻ ഗാർഹികത്തൊഴിലാളികളുടെ അവകാശങ്ങൾ സംരക്ഷിക്കുന്ന നിർണായക വ്യവസ്ഥകൾ ഉൾക്കൊള്ളുന്നതാണ്​ ധാരണപത്രം. എല്ലാ വർഷവും യോഗം ചേർന്ന ഇക്കാര്യം അവലോകനം ചെയ്യും.