ഫസ്റ്റ്, ബിസിനസ് ക്ലാസ് ബുക്കിങ്ങുകൾ ഇക്കണോമിയിലേക്ക് മാറ്റില്ല

കുവൈത്ത് സിറ്റി: ഫസ്റ്റ്, ബിസിനസ് ക്ലാസ് ബുക്കിംഗുകൾ ഇക്കണോമിയിലേക്ക് മാറ്റുമെന്ന വാർത്ത കുവൈത്ത് എയർവേസ് നിഷേധിച്ചു.

പ്രചരിക്കുന്ന വാർത്തകൾ തെറ്റും അടിസ്ഥാനരഹിതവുമാണെന്ന് ദേശീയ വിമാനക്കമ്പനി വ്യക്തമാക്കി. സ്ഥിരീകരിച്ച ബുക്കിംഗുകളും യാത്രക്കാർ തിരഞ്ഞെടുത്ത യാത്രാ ക്ലാസും നിലനിർത്തുമെന്ന് അറിയിച്ചു.

പ്രവർത്തന കാരണങ്ങളാൽ മാറ്റം വേണ്ടിവന്നാൽ യാത്രക്കാരെ നേരിട്ട് അറിയിക്കുമെന്നും വ്യക്തമാക്കി. യാത്രക്കാരുടെ അവകാശങ്ങളും അർഹമായ നഷ്ടപരിഹാരവും സംരക്ഷിക്കുമെന്നും കുവൈത്ത് എയർവേയ്‌സ് അറിയിച്ചു.