വെള്ളപ്പൊക്കം 106 പേരെ അഗ്​നിശമന സേന രക്ഷിച്ചു

കുവൈത്ത്​ സിറ്റി: കുവൈത്തിൽ തിമിർത്തുപെയ്​ത മഴ റോഡുകളിൽ ​വെള്ളക്കെട്ടുണ്ടാക്കി. നിർത്തിയിട്ടതും നിരത്തിലിറങ്ങിയതുമായ നിരവധി വാഹനങ്ങൾ മുങ്ങി. രാജ്യത്തി​െൻറ എല്ലാ ഭാഗങ്ങളിലും ശക്​തമായ മഴയുണ്ടായി. രാജ്യത്തി​െൻറ വിവിധ ഭാഗങ്ങളിൽ വെള്ളക്കെട്ടിൽ കുടുങ്ങിയ 106 പേരെ അഗ്​നിശമന വിഭാം രക്ഷിച്ചു. കുവൈത്ത്​ കാലാവസ്ഥ നിരീക്ഷണ കേന്ദ്രത്തി​െൻറ പ്രവചനം ശരിവെച്ചാണ്​ ഞയറാഴ്​ച രാവിലെ മുതൽ ശക്​തമായ മഴയുണ്ടായത്​. അത്യാവശ്യത്തിനല്ലാതെ പുറത്തിറങ്ങരുതെന്ന്​ ആഭ്യന്തര മന്ത്രാലയം മുന്നറിയിപ്പ്​ നൽകി. കടലിൽ പോകരുതെന്നും റോഡ്​ ഗതാഗതത്തിൽ ജാഗ്രത പുലർത്തണമെന്നും മുന്നറിയിപ്പുണ്ട്​. അഹ്​മദി ഭാഗത്താണ്​ ഏറ്റവും കനത്തുപെയ്​തത്​. ജലീബ്​ അൽ ശുയൂഖ്​, ഫർവാനിയ, ഖൈത്താൻ, കുവൈത്ത്​ സിറ്റി, ഫഹാഹീൽ, മംഗഫ്​, സാൽമിയ, സൽവ, സീസൈഡ്​, ഫിൻതാസ്​ തുടങ്ങി ഏതാണ്ടെല്ലാ ഭാഗങ്ങളിലും മഴയുണ്ടായി. അഗ്​നിശമന വകുപ്പ്​ ഏറെ ശ്രമകരമായാണ്​ റോഡുകളിൽനിന്ന്​ വെള്ളം നീക്കിയത്​. വെള്ളക്കെട്ടുള്ള ഭാഗത്തേക്ക്​ പ്രവേശനം വിലക്കി ഗതാഗതം നിയന്ത്രിച്ചില്ലായിരുന്നെങ്കിൽ അത്യാഹിതം ഗുരുതരമായേനെ. . പൊലീസും ​നാഷനൽ ഗാർഡും രക്ഷാപ്രവർത്തനങ്ങളിൽ പങ്കാളിയായി. ഗസ്സാലി ടണലിൽ ബസ്​ മുങ്ങി. വെള്ളപ്പൊക്കം ഉണ്ടാകാതിരിക്കാൻ ഒാടകൾ വൃത്തിയാക്കിയും മറ്റും പൊതുമരാമത്ത്​ മന്ത്രാലയം കഴിയുന്ന വിധം മുന്നൊരുക്കം നടത്തിയിരുന്നു. നിർത്താതെ പെയ്​ത മഴയിൽ മുൻകരുതലുകൾ പോരാതെ വരികയായിരുന്നു.