അഗ്നിസുരക്ഷ മുൻകരുതൽ വർക്ക്ഷോപ്

കുവൈത്ത് സിറ്റി: അഗ്നിസുരക്ഷ മുൻകരുതലുകളെ കുറിച്ച് കുവൈത്ത് ഫയർ ഫോഴ്സ് (കെ.ഇ.എഫ്), ആഭ്യന്തര മന്ത്രാലയം എന്നിവ സംയുക്തമായി വർക്ക്ഷോപ് സംഘടിപ്പിച്ചു.സാമൂഹിക സുരക്ഷ വർധിപ്പിക്കുക, കെട്ടിടങ്ങളിലെ അനിഷ്ടസംഭവങ്ങൾ കൈകാര്യം ചെയ്യുന്നതിനു മികച്ച മാർഗങ്ങൾ കൈമാറുക എന്നിവ ലക്ഷ്യമിട്ടാണ് പരിപാടി.

അപകടഘട്ടങ്ങളിൽ സുരക്ഷിതമായ പ്രവർത്തനം ഉറപ്പാക്കുന്നതിനുള്ള വഴികൾ വർക്ക്ഷോപ്പിൽ ചർച്ചചെയ്തു.രക്ഷപ്പെടാനുള്ള വഴികൾ, പുക പുറന്തള്ളുന്നതിനുള്ള സംവിധാനങ്ങൾ, എലിവേറ്ററുകൾ, തീപിടിത്തങ്ങൾ, മുന്നറിയിപ്പ് സംവിധാനങ്ങൾ എന്നിവയെ കുറിച്ചും അവബോധം നൽകി.