സുജാത ഹരിദാസിന് കെ.കെ.പി.എ യാത്രയയപ്പ്

കുവൈത്ത് സിറ്റി: പ്രവാസ ജീവിതം മതിയാക്കി നാട്ടിലേക്ക് യാത്രയാകുന്ന സാമൂഹിക പ്രവർത്തകയും കെ.കെ.പി.എ അംഗവുമായ സുജാത ഹരിദാസിന് സംഘടന യാത്രയയപ്പ് നൽകി. വൈസ് പ്രസിഡൻറ് സാറാമ്മ ജോൺസ്, ജനറൽ സെക്രട്ടറി സുശീല കണ്ണൂർ, സെക്രട്ടറി വനജ രാജൻ, അബ്ബാസിയ ഏരിയ കൺവീനർ ഷാജിത എന്നിവർ ചേർന്ന് ഉപഹാരം നൽകി. സാൽമിയയിൽ നടന്ന ചടങ്ങിൽ രക്ഷാധികാരി തോമസ് പള്ളിക്കൽ അധ്യക്ഷത വഹിച്ചു. ഉപദേശകസമിതി അംഗം അബ്ദുൽ കലാം മൗലവി അമ്പലംകുന്ന്, ആർട്സ് സെക്രട്ടറി പ്രേംരാജ്, മീഡിയ സെക്രട്ടറി വി. അബ്ദുൽ കരീം എന്നിവർ സംസാരിച്ചു.

പ്രസിഡൻറ് സക്കീർ പുത്തൻപാലത്ത് ചടങ്ങിന് നേതൃത്വം നൽകി. ജനറൽ സെക്രട്ടറി സുശീല കണ്ണൂർ സ്വാഗതവും സെക്രട്ടറി വനജ രാജൻ നന്ദിയും പറഞ്ഞു.