ഫാ​മി​ലി വി​സ: അ​പേ​ക്ഷ​ക​ർ​ക്ക് ബി​രു​ദം നി​ർ​ബ​ന്ധ​മി​ല്ല

കു​വൈ​ത്ത് സി​റ്റി: പ്ര​വാ​സി​ക​ൾ​ക്ക് ഫാ​മി​ലി വി​സ​ക്ക് അ​പേ​ക്ഷി​ക്കാ​നു​ള്ള യൂ​നി​വേ​ഴ്‌​സി​റ്റി ബി​രു​ദ വ്യ​വ​സ്ഥ ആ​ഭ്യ​ന്ത​ര മ​ന്ത്രാ​ല​യം റ​ദ്ദാ​ക്കി​യ​താ​യി റി​പ്പോ​ർ​ട്ട്. പു​തി​യ തീ​രു​മാ​ന​ത്തി​ന്‍റെ അ​ടി​സ്ഥാ​ന​ത്തി​ൽ പ്ര​വാ​സി​ക​ൾ​ക്ക് അ​വ​രു​ടെ കു​ടും​ബാം​ഗ​ങ്ങ​ളെ യൂ​നി​വേ​ഴ്സി​റ്റി ബി​രു​ദം എ​ന്ന വ്യ​വ​സ്ഥ​യി​ല്ലാ​തെ രാ​ജ്യ​ത്തേ​ക്ക് കൊ​ണ്ടു​വ​രാ​ൻ ക​ഴി​യു​മെ​ന്ന് ‘അ​റ​ബ് ടൈം​സ്’ റി​പ്പോ​ർ​ട്ട് ചെ​യ്തു. എ​ന്നാ​ൽ, അ​പേ​ക്ഷ​ക​ർ​ക്ക് കു​റ​ഞ്ഞ ശ​മ്പ​ള​നി​ര​ക്ക് 800 ദീ​നാ​ർ വേണമെന്ന നേ​ര​ത്തെ നി​ശ്ച​യി​ച്ച നി​ബ​ന്ധ​ന​യി​ൽ മാ​റ്റ​മി​ല്ല.

ദീ​ർ​ഘ​കാ​ല​മാ​യി നി​ർ​ത്തി​വെ​ച്ചി​രു​ന്ന ഫാ​മി​ലി വി​സ ഈ ​വ​ർ​ഷം ജ​നു​വ​രി​യി​ലാ​ണ് പു​ന​രാ​രം​ഭി​ച്ച​ത്. ഫാ​മി​ലി വി​സ ല​ഭി​ക്കാ​ൻ അ​പേ​ക്ഷ​ക​ന് ബി​രു​ദ​വും 800 ദീ​നാ​ർ ശ​മ്പ​ള​നി​ര​ക്കും വേ​ണ​മെ​ന്ന​ത് നി​ര​വ​ധി പേ​ർ​ക്ക് പ്ര​യാ​സം സൃ​ഷ്ടി​ച്ചി​രു​ന്നു. ഇ​തി​ൽ​നി​ന്ന് ബി​രു​ദം എ​ന്ന നി​ബ​ന്ധ​ന ഒ​ഴി​വാ​ക്കി​യ​തോ​ടെ സ്വ​കാ​ര്യ ബി​സി​ന​സ് രം​ഗ​ത്തും ക​ച്ച​വ​ട​ത്തി​ലും ഏ​ർ​പ്പെ​ട്ടി​രി​ക്കു​ന്ന മ​ല​യാ​ളി​ക​ൾ അ​ട​ക്ക​മു​ള്ള നി​ര​വ​ധി പേ​ർ​ക്ക് ഗു​ണം ചെ​യ്യും.