വ്യാ​ജ പൗ​ര​ത്വം; ഡി.​എ​ൻ.​എ പ​രി​ശോ​ധ​ന പ​രി​ഗ​ണ​ന​യി​ൽ

കു​വൈ​ത്ത് സി​റ്റി: വ്യാ​ജ പൗ​ര​ത്വം ക​ണ്ടെ​ത്താ​ൻ ഊ​ർ​ജി​ത ശ്ര​മ​ങ്ങ​ളു​മാ​യി ര​ണ്ടാം​ഘ​ട്ട കാ​മ്പ​യി​ൻ വൈ​കാ​തെ ആ​രം​ഭി​ക്കു​മെ​ന്ന് ആ​ഭ്യ​ന്ത​ര മ​ന്ത്രാ​ല​യ വൃ​ത്ത​ങ്ങ​ൾ അ​റി​യി​ച്ചു. വ്യാ​ജ പൗ​ര​ത്വം തെ​ളി​യി​ക്കാ​ൻ ഡി.​എ​ൻ.​എ പ​രി​ശോ​ധ​ന ന​ട​ത്തു​ന്ന​ത് ഉ​ൾ​പ്പെ​ടെ പ​രി​ഗ​ണി​ക്കു​ന്നു​വെ​ന്ന് മ​ന്ത്രാ​ല​യ വൃ​ത്ത​ങ്ങ​ൾ സൂ​ചി​പ്പി​ച്ചു.

പ​ഴ​യ രേ​ഖ​ക​ൾ പ​രി​ശോ​ധി​ക്ക​ൽ, കു​ടും​ബാം​ഗ​ങ്ങ​ളു​ടെ ഏ​റ്റു​പ​റ​ച്ചി​ലി​ൽ തു​ട​ര​ന്വേ​ഷ​ണം എ​ന്നി​വ സ​ജീ​വ​മാ​ക്കും. വ്യാ​ജ രേ​ഖ​ക​ൾ ച​മ​ച്ചും അ​ന​ധി​കൃ​ത​മാ​യും കു​വൈ​ത്ത് പൗ​ര​ത്വം നേ​ടി​യ ഒ​രാ​ളെ​യും വെ​റു​തെ​വി​ടി​ല്ലെ​ന്നും ഇ​ക്കാ​ര്യ​ത്തി​ൽ ആ​രെ​യും സ്വാ​ധീ​നം ചെ​ലു​ത്താ​ൻ അ​നു​വ​ദി​ക്കി​ല്ലെ​ന്നും നി​ല​വി​ൽ എ​ത്ര ഉ​ന്നത പ​ദ​വി​യി​ലി​രി​ക്കു​ന്ന​യാ​ൾ ആ​ണെ​ങ്കി​ലും പൗ​ര​ത്വം റ​ദ്ദാ​ക്കു​മെ​ന്നു​മാ​ണ് ആ​ഭ്യ​ന്ത​ര മ​ന്ത്രി ശൈ​ഖ് ഫ​ഹ​ദ് യൂ​സു​ഫ് അ​സ്സ​ബാ​ഹി​ന്റെ നി​ല​പാ​ട്.

ഇ​സ്റാ​അ് -മി​അ്റാ​ജ് അ​വ​ധി, ആ​ഭ്യ​ന്ത​ര മ​ന്ത്രി ശൈ​ഖ് ഫ​ഹ​ദ് യൂ​സു​ഫ് അ​സ്സ​ബാ​ഹി​ന്റെ വി​ദേ​ശ സ​ന്ദ​ർ​ശ​നം എ​ന്നീ കാ​ര​ണ​ങ്ങ​ളാ​ലാ​ണ് ക​ഴി​ഞ്ഞ ര​ണ്ടാ​ഴ്ച​ക​ളി​ൽ പൗ​ര​ത്വം സം​ബ​ന്ധി​ച്ച് രൂ​പ​വ​ത്ക​രി​ച്ച ഉ​ന്ന​ത​ത​ല സ​മി​തി യോ​ഗം ചേ​രാ​തി​രു​ന്ന​ത്.

യു.​എ.​ഇ, ഈ​ജി​പ്ത്, ജോ​ർ​ഡ​ൻ, ഒ​മാ​ൻ സ​ന്ദ​ർ​ശ​നം ക​ഴി​ഞ്ഞ് അ​ദ്ദേ​ഹം തി​രി​ച്ചെ​ത്തി​യാ​ൽ യോ​ഗം ചേ​രും. അ​തേ​സ​മ​യം, യ​ഥാ​ർ​ഥ പൗ​ര​ന്മാ​ർ​ക്ക് ആ​ശ​ങ്ക​യു​ടെ ആ​വ​ശ്യ​മി​ല്ലെ​ന്നും അ​ധി​കൃ​ത​ർ വ്യ​ക്ത​മാ​ക്കി. സു​പ്രീം ക​മ്മി​റ്റി​യു​ടെ നേ​തൃ​ത്വ​ത്തി​ൽ ക​ഴി​ഞ്ഞ മാ​സ​ങ്ങ​ളി​ലെ പ​രി​ശോ​ധ​ന​യി​ൽ പ​തി​നാ​യി​ര​ക്ക​ണ​ക്കി​ന് പേ​രു​ടെ പൗ​ര​ത്വ​മാ​ണ് കു​വൈ​ത്ത് റ​ദ്ദാ​ക്കി​യ​ത്.

കു​വൈ​ത്തി​ക​ൾ​ക്കു​ള്ള വി​വി​ധ സ​ർ​ക്കാ​ർ ആ​നു​കൂ​ല്യ​ങ്ങ​ൾ സ്വ​ന്ത​മാ​ക്കാ​നാ​ണ്​ ​അ​ന​ധി​കൃ​ത​മാ​യി പൗ​ര​ത്വം നേ​ടു​ന്ന​ത്. പാ​ർ​പ്പി​ട​വും സൗ​ജ​ന്യ വി​ദ്യാ​ഭ്യാ​സ- ചി​കി​ത്സാ സൗ​ക​ര്യ​ങ്ങ​ളും റേ​ഷ​ൻ ഉ​ൾ​പ്പെ​ടെ ആ​നു​കൂ​ല്യ​ങ്ങ​ളു​മാ​ണ് ആ​ളു​ക​ളി​ൽ കു​വൈ​ത്തി പൗ​ര​ത്വം നേ​ടാ​നു​ള്ള ആ​ഗ്ര​ഹ​മു​ണ്ടാ​ക്കു​ന്ന​ത്. പാ​സ്​​പോ​ർ​ട്ട് - പൗ​ര​ത്വ വ​കു​പ്പി​ലെ ഉ​ദ്യോ​ഗ​സ്​​ഥ​ർ​ക്ക് പ​ണ​വും പാ​രി​തോ​ഷി​ക​ങ്ങ​ളും ന​ൽ​കി​യാ​ണ് നി​ര​വ​ധി പേ​ർ കു​വൈ​ത്തി പൗ​ര​ത്വം ക​ര​സ്​​ഥ​മാ​ക്കി​യ​ത്.