കുവൈത്തിലേക്ക് വ്യാജ റിക്രൂട്ട്മെന്റുകൾ സജീവം

കു​വൈ​ത്ത് സി​റ്റി: നി​ര​ന്ത​ര പ​രി​ശോ​ധ​ന​ക​ൾ​ക്കി​ട​യി​ലും കു​വൈ​ത്തി​ലേ​ക്ക് പു​റം​രാ​ജ്യ​ങ്ങ​ളി​ൽ​നി​ന്നു​ള്ള വ്യാ​ജ റി​ക്രൂ​ട്ട്മെ​ന്റു​ക​ൾ സ​ജീ​വ​മെ​ന്ന് സൂ​ച​ന. നി​യ​മ​സാ​ധു​ത​യു​ള്ള ​ജോ​ലി​ക്ക് എ​ന്ന പേ​രി​ൽ വ്യാ​ജ വി​സ​ക​ൾ ന​ൽ​കി​യാ​ണ് ത​ട്ടി​പ്പ്.

വീ​ട്ടു​ജോ​ലി​ക്കാ​ർ, അ​വി​ദ​ഗ്ധ, അ​ർ​ധ വൈ​ദ​ഗ്ധ്യ തൊ​ഴി​ലാ​ളി​ക​ൾ എ​ന്നി​വ​രെ റി​ക്രൂ​ട്ട്‌​മെ​ന്റ് ഏ​ജ​ൻ​സി​ക​ൾ ക​ബ​ളി​പ്പി​ച്ച് പ​ണം കൈ​ക്ക​ലാ​ക്കു​ക​യും വ്യാ​ജ​വി​സ ന​ൽ​കു​ക​യു​മാ​ണ് രീ​തി. കു​വൈ​ത്തി​ലേ​ക്ക് വ്യാ​ജ വി​സ ന​ൽ​കി നി​ര​വ​ധി പേ​രെ ക​ബ​ളി​പ്പി​ച്ച​താ​യി ആ​ന്ധ്ര​പ്ര​ദേ​ശി​ൽ​നി​ന്നു​ള്ള റി​പ്പോ​ർ​ട്ടു​ക​ൾ വ്യ​ക്ത​മാ​ക്കു​ന്നു. ആ​ന്ധ്ര​പ്ര​ദേ​ശി​ൽ കു​വൈ​ത്തി​ലേ​ക്കു​ള്ള 27,000 വ്യാ​ജ വി​സ​ക​ളാ​ണ് ക​ഴി​ഞ്ഞ ദി​വ​സം ക​​ണ്ടെ​ത്തി​യ​ത്. കു​വൈ​ത്തി​ൽ ജോ​ലി ആ​ഗ്ര​ഹി​ച്ച ​അ​വി​ദ​ഗ്ധ തൊ​ഴി​ലാ​ളി​ക​ളാ​ണ് ത​ട്ടി​പ്പി​ന് ഇ​ര​യാ​യ​വ​രി​ൽ ഭൂ​രി​പ​ക്ഷ​വും.

ഈ ​വ​ർ​ഷം ജ​നു​വ​രി മു​ത​ൽ ഏ​പ്രി​ൽ വ​രെ കു​വൈ​ത്തി​ൽ​നി​ന്ന് ഇ​ഷ്യൂ ചെ​യ്തെ​ന്ന് ക​രു​ത​പ്പെ​ടു​ന്ന 37,208 വി​സ​ക​ൾ പ​രി​ശോ​ധി​ച്ച​​പ്പോ​ഴാ​ണ് ഇ​വ​യി​ൽ വ്യാ​ജ​ൻ ക​യ​റി​ക്കൂ​ടി​യ​താ​യി തെ​ളി​ഞ്ഞ​ത്. 37,208 വി​സ​ക​ൾ പ​രി​ശോ​ധി​ച്ച​​തി​ൽ 10,280 എ​ണ്ണ​ത്തി​ന് മാ​ത്ര​മേ സാ​ധു​ത​യു​ള്ളൂ എ​ന്ന് ക​ണ്ടെ​ത്തി. ഇ​തോ​ടെ ഇ​തി​ൽ 27,000 വി​സ​ക​ൾ വ്യാ​ജ​മാ​കാ​മെ​ന്ന് തെ​ളി​ഞ്ഞു. ഇ​വ കൃ​ത്രി​മ​മാ​യി ​​ഉ​ണ്ടാ​ക്കി​യ​താ​കാ​മെ​ന്നാ​ണ് സൂ​ച​ന.

കു​വൈ​ത്തി​ലെ​ത്തി​യ​പ്പോ​ഴാ​ണ് ത​ട്ടി​പ്പി​നി​ര​യാ​യ​താ​യി ഇ​ര​ക​ൾ അ​റി​യു​ന്ന​ത്. ഇ​ത്ത​ര​ക്കാ​രി​ൽ​നി​ന്ന് കൂ​ടു​ത​ൽ പ​ണം ആ​വ​ശ്യ​പ്പെ​ട്ട് റി​ക്രൂ​ട്ട്‌​മെ​ന്റ് ഏ​ജ​ന്റു​മാ​ർ ഭീ​ഷ​ണി​പ്പെ​ടു​ത്തു​ന്ന​താ​യും റി​പ്പോ​ർ​ട്ടു​ണ്ട്. നാ​ട്ടി​ലേ​ക്ക് തി​രി​കെ അ​യ​ക്കാ​നും പ​ണം ആ​വ​ശ്യ​​പ്പെ​ടും. ഇ​ത്ത​രം ഏ​ജ​ന്റു​മാ​ർ​ക്കെ​തി​രെ ജാ​ഗ്ര​ത പാ​ലി​ക്ക​ണ​മെ​ന്ന് ആ​ന്ധ്ര​പ്ര​ദേ​ശ് സ​ർ​ക്കാ​ർ മു​ന്ന​റി​യി​പ്പ് ന​ൽ​കി​യി​ട്ടു​ണ്ട്. വ്യാ​ജ വി​സ ന​ൽ​കു​ന്ന റി​ക്രൂ​ട്ട്‌​മെ​ന്റ് ഏ​ജ​ൻ​സി​ക​ളു​ടെ എ​ണ്ണം വ​ർ​ധി​ച്ച​താ​യി ആ​ന്ധ്ര​പ്ര​ദേ​ശ് പൊ​ലീ​സും ക​ണ്ടെ​ത്തി​യി​ട്ടു​ണ്ട്.

ഈ ​വ​ർ​ഷം ആ​ദ്യം കു​വൈ​ത്തി​ലെ വ്യാ​ജ ​ഗാ​ർ​ഹി​ക തൊ​ഴി​ലാ​ളി റി​ക്രൂ​ട്ട്‌​മെ​ന്റ് കേ​ന്ദ്ര​ങ്ങ​ളി​ൽ ന​ട​ത്തി​യ റെ​യ്ഡി​ൽ നി​ര​വ​ധി പേ​ർ അ​റ​സ്റ്റി​ലാ​യി​രു​ന്നു. അ​ന​ധി​കൃ​ത​മാ​യി പ്ര​വ​ർ​ത്തി​ക്കു​ന്ന നി​ര​വ​ധി സ്ഥാ​പ​ന​ങ്ങ​ൾ ക​ണ്ടെ​ത്തു​ക​യും അ​ട​ച്ചു​പൂ​ട്ടു​ക​യും താ​മ​സ, തൊ​ഴി​ൽ നി​യ​മ​ങ്ങ​ൾ ലം​ഘി​ച്ച നി​ര​വ​ധി​യാ​ളു​ക​ളെ അ​റ​സ്റ്റ് ചെ​യ്യു​ക​യു​മു​ണ്ടാ​യി.

കു​വൈ​ത്തി​ലേ​ക്ക് അ​മി​ത തു​ക ഈ​ടാ​ക്കി ന​ഴ്സു​മാ​രെ നി​യ​മി​ച്ചി​രു​ന്ന കേ​ര​ള​ത്തി​ലെ റി​ക്രൂ​ട്ടി​ങ് ഏ​ജ​ൻ​സി​ക്കെ​തി​രെ നാ​ട്ടി​ൽ ന​ട​പ​ടി​യു​ണ്ടാ​യ​തും വാ​ർ​ത്ത​യാ​യി​രു​ന്നു.

വ്യാ​ജ വി​സ ന​ൽ​ക​ൽ, അ​മി​ത തു​ക ഈ​ടാ​ക്ക​ൽ, കോ​ഴ വാ​ങ്ങ​ൽ എ​ന്നി​ങ്ങ​നെ നി​ര​വ​ധി മാ​ർ​ഗ​ങ്ങ​ളി​ലൂ​ടെ റി​ക്രൂ​ട്ടി​ങ് ഏ​ജ​ൻ​സി​ക​ൾ പ​ണം​ത​ട്ടു​ന്ന​തും പ​തി​വാ​ണ്.

ഔ​ദ്യോ​ഗി​ക റി​ക്രൂ​ട്ടി​ങ് ഏ​ജ​ൻ​സി​ക​ളെ മാ​ത്രം സ​മീ​പി​ക്കു​ക, രേ​ഖ​ക​ളു​ടെ വി​ശ്വാ​സ്യ​ത പ​രി​ശോ​ധി​ക്കു​ക എ​ന്നി​വ ത​ട്ടി​പ്പ് ഒ​ഴി​വാ​ക്കാ​ൻ സ​ഹാ​യി​ക്കും.