കുവൈത്തിൽ ഹെലികോപ്​ടറിൽ മരുന്ന്​ തളിക്കുമെന്ന്​ വ്യാജ പ്രചാരണം

കുവൈത്ത്​ സിറ്റി: കോവിഡ്​ വൈറസിനെതിരെ തിങ്കളാഴ്​ച രാത്രി കുവൈത്തിൽ ഹെലികോപ്​ടറിൽ അണുനാശിനി തളിക്കുമെന്ന്​ വ്യാജപ്രചാരണം. രാത്രി 12 മണി മുതൽ എല്ലാവരും വീട്ടിലിരിക്കണമെന്നും ടെറസിൽ ഉണക്കാനിട്ട വസ്​ത്രങ്ങളെല്ലാം എടുത്തുവെക്ക​ണമെന്നുമാണ്​ പ്രചരിച്ചത്​.

ഫേസ്​ബുക്ക്​ അക്കൗണ്ടിലൂടെയാണ്​ തെറ്റായ വിവരം പ്രചരിപ്പിച്ചത്​. ഇത്​ തെറ്റാണെന്ന്​ വൈകീട്ട്​ വാർത്താവിനിമയ മന്ത്രാലയം വ്യക്​തമാക്കി. വ്യാജ വാർത്തകൾ പ്രചരിപ്പിച്ച ഒാൺലൈൻ മാധ്യമങ്ങൾക്ക്​ എതിരെ നിയമനടപടി സ്വീകരിക്കാൻ വാർത്താവിനിമയ മന്ത്രാലയം തീരുമാനിച്ചു.