പ്ര​മു​ഖ ക​മ്പ​നി​ക​ളു​ടെ വ്യാ​ജപ​തി​പ്പ് സ​ജീ​വം; സോ​ഷ്യ​ൽ മീ​ഡി​യ​യി​ലെ ഓ​ഫ​റു​ക​ളി​ൽ വീ​ഴേ​ണ്ട

കു​വൈ​ത്ത് സി​റ്റി: പ്ര​മു​ഖ ക​മ്പ​നി​ക​ളു​ടെ വ്യാ​ജ​പ​തി​പ്പു​മാ​യി സോ​ഷ്യ​ൽ മീ​ഡി​യ​യി​ൽ ഓ​ൺ​ലൈ​ൻ ത​ട്ടി​പ്പു​കാ​ർ സ​ജീ​വം. പ്ര​ശ​സ്ത ബ്രാ​ൻ​ഡു​ക​ളെ അ​നു​ക​രി​ക്കു​ന്ന അ​ക്കൗ​ണ്ടു​ക​ൾ സൃ​ഷ്ടി​ച്ച് ഹാ​ക്ക​ർ​മാ​ർ പ​ല​രൂ​പ​ത്തി​ൽ പ്ര​ത്യ​ക്ഷ​പ്പെ​ടു​മെ​ന്ന് ഇ​ല​ക്ട്രോ​ണി​ക് മീ​ഡി​യ യൂ​നി​റ്റ് സൈ​ബ​ർ സു​ര​ക്ഷാ​സം​ഘം മേ​ധാ​വി മു​ഹ​മ്മ​ദ് അ​ൽ റാ​ഷി​ദി പ​റ​ഞ്ഞു. വ്യാ​ജ ഓ​ഫ​റു​ക​ളും ഡി​സ്‌​കൗ​ണ്ടു​ക​ളു​മാ​യാ​കും ത​ട്ടി​പ്പു​കാ​രു​ടെ വ​ര​വ്.

ഔ​ദ്യോ​ഗി​ക വെ​ബ്‌​സൈ​റ്റു​ക​ളും മൊ​ബൈ​ൽ ആ​പ്ലി​ക്കേ​ഷ​നു​ക​ളും മാ​ത്ര​മാ​ണ് ഇ​ട​പാ​ടു​ക​ൾ​ക്ക് ഉ​പ​യോ​ഗി​ക്കു​ന്ന​തെ​ന്ന് ഉ​പ​ഭോ​ക്താ​ക്ക​ൾ ഉ​റ​പ്പാ​ക്ക​ണ​മെ​ന്നും ഔ​ദ്യോ​ഗി​ക ആ​പ്ലി​ക്കേ​ഷ​നു​ക​ൾ കൂ​ടു​ത​ൽ സു​ര​ക്ഷി​ത​വും ആ​ൾ​മാ​റാ​ട്ടം ന​ട​ത്താ​ൻ ബു​ദ്ധി​മു​ട്ടാ​ണെ​ന്നും അ​ദ്ദേ​ഹം ഉ​ണ​ർ​ത്തി.

ബാ​ങ്ക് കാ​ർ​ഡ് വി​വ​ര​ങ്ങ​ൾ ന​ൽ​കി വ്യാ​ജ പ്ലാ​റ്റ്‌​ഫോ​മു​ക​ൾ വ​ഴി ഇ​ട​പാ​ടു​ക​ൾ ന​ട​ത്തു​മ്പോ​ൾ ശ്ര​ദ്ധി​ക്ക​ണം. ലി​ങ്കു​ക​ളു​ടെ സു​ര​ക്ഷ പ​രി​ശോ​ധി​ക്കു​ന്ന​തി​നാ​യി നി​ര​വ​ധി വെ​ബ്‌​സൈ​റ്റു​ക​ൾ നി​ല​വി​ലു​ണ്ട്. ഇ​ത് ഉ​പ​യോ​ക്താ​ക്ക​ളെ വെ​ബ്സൈ​റ്റു​ക​ളും സോ​ഷ്യ​ൽ മീ​ഡി​യ അ​ക്കൗ​ണ്ടു​ക​ളും വേ​ർ​തി​രി​ച്ച​റി​യാ​ൻ സ​ഹാ​യി​ക്കു​ന്നു. സോ​ഷ്യ​ൽ മീ​ഡി​യ വ​ഴി​യു​ള്ള ത​ട്ടി​പ്പു​ക​ളെ കു​റി​ച്ച് കു​വൈ​ത്ത് നാ​ഷ​ന​ൽ ബാ​ങ്കും അ​ടു​ത്തി​ടെ മു​ന്ന​റി​യി​പ്പ് ന​ൽ​കി​യി​രു​ന്നു.

വ്യാ​ജ പ​ര​സ്യ​ത്തി​ൽ 75 ദീ​നാ​ർ ന​ഷ്ട​പ്പെ​ട്ടു

അ​ടു​ത്തി​ടെ ഫേ​സ്ബു​ക്കി​ലെ വ്യാ​ജ പ​ര​സ്യ​ത്തി​ൽ വീ​ണു കു​വൈ​ത്ത് നി​വാ​സി​ക്ക് ന​ഷ്ട​പ്പെ​ട്ട​ത് 75 ദീ​നാ​ർ. ആ​ക​ർ​ഷ​ക​മാ​യ ഓ​ഫ​ർ ക​ണ്ട് ക്ലി​ക്ക് ചെ​യ്ത​താ​ണ് ത​ട്ടി​പ്പി​ലേ​ക്ക് ന​യി​ച്ച​ത്. ഓ​ഫ​ർ നി​യ​മാ​നു​സൃ​ത​മാ​ണെ​ന്ന് വി​ശ്വ​സി​ച്ചു ബാ​ങ്ക് വി​ശ​ദാം​ശ​ങ്ങ​ളും എ​സ്.​എം.​എ​സ് വ​ഴി ല​ഭി​ച്ച ഒ.​ടി.​പി​യും ഇ​ദ്ദേ​ഹം കൈ​മാ​റി. നി​മി​ഷ​ങ്ങ​ൾ​ക്കു​ള്ളി​ൽ ഇ​ദ്ദേ​ഹ​ത്തി​ന്റെ ബാ​ക്ക് അ​ക്കൗ​ണ്ടി​ൽ​നി​ന്ന് 75 ദീ​നാ​റി​ന്റെ ര​ണ്ട് അ​ന​ധി​കൃ​ത പി​ൻ​വ​ലി​ക്ക​ലു​ക​ൾ ന​ട​ന്നു. തു​ട​ർ​ന്ന് അ​ദ്ദേ​ഹ​ത്തി​ന് ബാ​ങ്കി​ൽ​നി​ന്ന് അ​സാ​ധാ​ര​ണ​മാ​യ പ്ര​വ​ർ​ത്ത​ന​ത്തെ​ക്കു​റി​ച്ച് മു​ന്ന​റി​യി​പ്പ് ന​ൽ​കി. ഇ​തോ​ടെ ഹാ​ക്ക​ർ അ​ക്കൗ​ണ്ടി​ലേ​ക്ക് പ്ര​വേ​ശി​ച്ച​താ​യി മ​ന​സ്സി​ലാ​ക്കി ഉ​ട​ൻ അ​ക്കൗ​ണ്ട് മ​ര​വി​പ്പി​ക്കു​ക​യാ​യി​രു​ന്നു.

വ​സ്ത്ര​വും വ​ന്നി​ല്ല, സൈ​റ്റും ക​ണ്ടി​ല്ല

വ​ൻ ഓ​ഫ​ർ ക​ണ്ട് പ്ര​മു​ഖ ക​മ്പ​നി​യു​ടെ ഓ​ൺ​ലൈ​ൻ സൈ​റ്റി​ൽ ക​യ​റി വ​സ്ത്ര​ങ്ങ​ളും മ​റ്റും ഓ​ഡ​ർ ചെ​യ്ത മ​ല​യാ​ളി​യും ത​ട്ടി​പ്പി​നി​ര​യാ​യി. വ​സ്ത്ര​ങ്ങ​ൾ ഓ​ഡ​ർ ചെ​യ്ത് ഓ​ൺ​ലൈ​ൻ വ​ഴി പ​ണ​വും അ​ട​ച്ചു ഡെ​ലി​വ​റി തീ​യ​തി​ക്കാ​യു​ള്ള കാ​ത്തി​രി​പ്പി​ലാ​യി​രു​ന്നു ഇ​ദ്ദേ​ഹം. പ​റ​ഞ്ഞ തീ​യ​തി ക​ഴി​ഞ്ഞി​ട്ടും വ​സ്തു​ക്ക​ൾ എ​ത്തി​യി​ല്ല. ഇ​തോ​ടെ സൈ​റ്റി​ൽ ക​യ​റി നോ​ക്കാം എ​ന്നു ക​രു​തി​യെ​ങ്കി​ലും അ​ങ്ങ​നെ​യൊ​രു സൈ​റ്റ് ക​ണ്ടു​കി​ട്ടി​യ​തേ ഇ​ല്ല. അ​പ്പോ​ഴാ​ണ് വ​ഞ്ചി​ക്ക​പ്പെ​ട്ട​താ​യി ഇ​ദ്ദേ​ഹം തി​രി​ച്ച​റി​ഞ്ഞ​ത്.