വ്യാജ മെഡിക്കൽ സർട്ടിഫിക്കറ്റ്: കുവൈത്തിൽ പ്രവാസികൾ അറസ്റ്റിൽ

കുവൈത്ത് സിറ്റി: വ്യാജ മെഡിക്കൽ സർട്ടിഫിക്കറ്റ് നിർമിച്ച കേസിൽ രണ്ട് പ്രവാസികൾ അറസ്റ്റിലായി. അനധികൃതമായി ഡോക്ടർമാരുടെ സീൽ കൈവശം വെച്ച് ഇവർ വ്യാജ മെഡിക്കൽ സര്‍ട്ടിഫിക്കറ്റ് നിർമിക്കുകയായിരുന്നു.

സര്‍ക്കാര്‍-സ്വകാര്യ സ്ഥാപനങ്ങളില്‍ ജോലിചെയ്യുന്ന ജീവനക്കാര്‍ക്ക് വ്യാജ മെഡിക്കല്‍ സര്‍ട്ടിഫിക്കറ്റുകള്‍ നിർമിച്ചുനൽകലായിരുന്നു പതിവ്.

ഇത്തരത്തിൽ നിരവധി വ്യാജ മെഡിക്കല്‍ സര്‍ട്ടിഫിക്കറ്റുകൾ ഹെല്‍ത്ത് സെന്റര്‍ കേന്ദ്രീകരിച്ച് പ്രതികള്‍ വിതരണം ചെയ്തതായി കണ്ടെത്തി. കൂടുതല്‍ അന്വേഷണങ്ങള്‍ക്ക് പ്രതികളെ ബന്ധപ്പെട്ട വകുപ്പുകള്‍ക്ക് കൈമാറിയതായി അധികൃതര്‍ അറിയിച്ചു.