കു​വൈ​ത്തിൽ വ്യാ​ജ സ​ര്‍ട്ടി​ഫി​ക്ക​റ്റു​ക​ള്‍ വ​ർ​ധി​ക്കു​ന്നു; പ​രി​ശോ​ധ​ന​ക്കൊ​രു​ങ്ങി സ​ര്‍ക്കാ​ര്‍

കു​വൈ​ത്ത് സി​റ്റി: രാ​ജ്യ​ത്ത് വ്യാ​ജ സ​ര്‍ട്ടി​ഫി​ക്ക​റ്റു​ക​ളി​ൽ തൊ​ഴി​ൽ ചെ​യ്യു​ന്ന​വ​രു​ടെ എ​ണ്ണം കൂ​ടു​ന്ന​താ​യി റി​പ്പോ​ർ​ട്ട്. ഇ​വ ഉ​റ​പ്പു​വ​രു​ത്തു​ന്ന​തി​ന്റെ ഭാ​ഗ​മാ​യി വി​പു​ല​മാ​യ പ​രി​ശോ​ധ​ന​ക്ക് സ​ര്‍ക്കാ​ര്‍ ത​യാ​റാ​കു​ന്ന​താ​യും പ്രാ​ദേ​ശി​ക പ​ത്ര​മാ​യ അ​ല്‍ ജ​രീ​ദ റി​പ്പോ​ര്‍ട്ട് ചെ​യ്തു. വി​ദേ​ശി​ക​ളു​ടെ​യും സ്വ​ദേ​ശി​ക​ളു​ടെ​യും വി​ദ്യാ​ഭ്യാ​സ സ​ര്‍ട്ടി​ഫി​ക്ക​റ്റു​ക​ള്‍ പ​രി​ശോ​ധ​ന​ക്കു വി​ധേ​യ​മാ​ക്കും.

വ്യാ​ജ സ​ര്‍ട്ടി​ഫി​ക്ക​റ്റു​ക​ള്‍ പി​ടി​ക്ക​പ്പെ​ട്ട​തി​നു പി​ന്നാ​ലെ​യാ​ണ് വ്യാ​പ​ക​മാ​യ പ​രി​ശോ​ധ​ന​ക്കൊ​രു​ങ്ങു​ന്ന​തെ​ന്നും റി​പ്പോ​ർ​ട്ടി​ൽ പ​റ​യു​ന്നു. സ​ര്‍ക്കാ​ര്‍, പൊ​തു​മേ​ഖ​ല സ്വ​കാ​ര്യ മേ​ഖ​ല​യി​ല്‍ ജോ​ലി എ​ന്നി​വി​ട​ങ്ങ​ളി​ലെ​യും തൊ​ഴി​ൽ യോ​ഗ്യ​ത പ​രി​ശോ​ധി​ക്കും.

സാ​ങ്കേ​തി​ക പ​രി​ജ്ഞാ​നം ആ​വ​ശ്യ​മാ​യ ജോ​ലി​ക​ളി​ല്‍ പ്രാ​ക്ടി​ക്ക​ല്‍, തി​യ​റി പ​രീ​ക്ഷ​ക​ളും ന​ട​ത്താ​ൻ ആ​ലോ​ചി​ക്കു​ന്ന​താ​യും സൂ​ച​ന​ക​ളു​ണ്ട്. നേ​ര​ത്തേ ദേ​ശീ​യ അ​സം​ബ്ലി അ​ന്വേ​ഷ​ണ ക​മ്മി​റ്റി​യു​ടെ നേ​തൃ​ത്വ​ത്തി​ല്‍ ന​ട​ത്തി​യ പ​രി​ശോ​ധ​ന​യി​ൽ നൂ​റോ​ളം സ്വ​ദേ​ശി ജീ​വ​ന​ക്കാ​രി​ല്‍നി​ന്ന് വ്യാ​ജ സ​ര്‍ട്ടി​ഫി​ക്ക​റ്റു​ക​ള്‍ പി​ടി​ക്ക​പ്പെ​ട്ടി​രു​ന്നു. വ്യാ​ജ സ​ര്‍ട്ടി​ഫി​ക്ക​റ്റു​ക​ള്‍ നേ​ടാ​ന്‍ സ​ഹാ​യി​ച്ച പ്ര​വാ​സി​യെ അ​റ​സ്റ്റ് ചെ​യ്ത​താ​യും തു​ട​ര്‍ ന​ട​പ​ടി​ക​ള്‍ക്കാ​യി ബ​ന്ധ​പ്പെ​ട്ട അ​ധി​കാ​രി​ക​ള്‍ക്ക് കൈ​മാ​റി​യ​താ​യും അ​ധി​കൃ​ത​ര്‍ അ​റി​യി​ച്ചു.