സ്പ്രി​ങ് ക്യാ​മ്പു​ക​ള്‍ക്ക് സ​മാ​പ​നം; ത​മ്പു​ക​ള്‍ നീ​ക്ക​ണം

കു​വൈ​ത്ത് സി​റ്റി: രാ​ജ്യ​ത്ത് സ്പ്രി​ങ് ക്യാ​മ്പു​ക​ള്‍ക്ക് അ​നു​വ​ദി​ച്ച സ​മ​യ​പ​രി​ധി അ​വ​സാ​നി​ച്ച​താ​യി കു​വൈ​ത്ത് മു​നി​സി​പ്പാ​ലി​റ്റി അ​റി​യി​ച്ചു. ക്യാ​മ്പി​ങ്ങി​നു​ള്ള സ​മ​യ​പ​രി​ധി മാ​ർ​ച്ച് 15ന് ​അ​വ​സാ​നി​ച്ച​താ​യും ത​മ്പു​ക​ള്‍ ഉ​ട​ൻ നീ​ക്ക​ണ​മെ​ന്നും അ​ധി​കൃ​ത​ര്‍ വ്യ​ക്ത​മാ​ക്കി. നേ​ര​ത്തേ ക്യാ​മ്പി​ങ് സീ​സ​ൺ റ​മ​ദാ​ൻ അ​വ​സാ​നി​ക്കു​ന്ന​ത് വ​രെ നീ​ട്ടാ​ൻ സ്പ്രി​ങ് ക്യാ​മ്പ് ക​മ്മി​റ്റി നി​ർ​ദേ​ശം ന​ല്‍കി​യി​രു​ന്നു. എ​ന്നാ​ല്‍, പ​ബ്ലി​ക് അ​തോ​റി​റ്റി എ​ൻ​വ​യ​ൺ​മെ​ന്റ​ൽ അ​ഫ​യേ​ഴ്‌​സ് നി​ർ​ദേ​ശം ത​ള്ളു​ക​യാ​യി​രു​ന്നു.

കാ​ലാ​വ​ധി ക​ഴി​യു​ന്ന​തോ​ടെ ഉ​ട​മ​ക​ൾ സ്വ​ന്തം ഉ​ത്ത​ര​വാ​ദി​ത്ത​ത്തി​ൽ ത​മ്പു​ക​ൾ പൊ​ളി​ച്ചു നീ​ക്കു​ക​യും സ്ഥ​ലം വൃ​ത്തി​യാ​ക്കു​ക​യും വേ​ണ​മെ​ന്നാ​ണ് ച​ട്ടം. ഇ​ത​നു​സ​രി​ക്കാ​ത്ത ഉ​ട​മ​ക​ൾ​ക്കെ​തി​രെ പി​ഴ ഉ​ൾ​പ്പെ​ടെ ന​ട​പ​ടി​ക​ൾ ഉ​ണ്ടാ​കും. പൊ​ളി​ച്ചുനീ​ക്കു​ന്ന​തി​ന് ചെ​ല​വാ​കു​ന്ന തു​ക ഉ​ട​മ​യി​ൽ​നി​ന്ന് ഈ​ടാ​ക്കു​ക​യും ചെ​യ്യും. പ​രി​സ്ഥി​തി അ​തോ​റി​റ്റി​യി​ല്‍നി​ന്ന് ല​ഭി​ക്കു​ന്ന ശു​ചി​ത്വ സ​ർ​ട്ടി​ഫി​ക്ക​റ്റ് ഹാ​ജ​രാ​ക്കി​യാ​ല്‍ ക്യാ​മ്പ് അ​പേ​ക്ഷ​യോ​ടൊ​പ്പം സ​മ​ര്‍പ്പി​ച്ച 100 ദീ​നാ​ർ റീ​ഫ​ണ്ട് ചെ​യ്യു​മെ​ന്നും അ​ധി​കൃ​ത​ര്‍ അ​റി​യി​ച്ചു.