എംബസി ആഴ്​ചയിൽ ഒാപൺ ഹൗസ്​ നടത്തുന്നു

കുവൈത്ത്​ സിറ്റി: ആഴ്​ചയിൽ ഒാപൺ ഹൗസ്​ നടത്തുമെന്ന്​ ഇന്ത്യൻ എംബസി അറിയിച്ചു. പരാതി പരിഹാര സംവിധാനം മെച്ചപ്പെടുത്തുന്നതി​െൻറ ഭാഗമായാണ്​ അംബാസഡർ ആഴ്​ചയിൽ പൊതുജനങ്ങളുമായി സമ്പർക്കം പുലർത്താൻ തീരുമാനിച്ചത്​. മാർച്ച്​ ഏപ്രിൽ മാസങ്ങളിലെ ഷെഡ്യൂൾ എംബസി വാർത്താക്കുറിപ്പിൽ അറിയിച്ചു.

മാർച്ച്​ 30ന്​ വൈകീട്ട്​ നാലുമുതൽ അഞ്ചുവരെ കുവൈത്ത്​ സിറ്റി അലി അൽ സാലിം സ്​ട്രീറ്റിൽ ജവാഹറ ടവർ മൂന്നാം നിലയിലെ ബി.എൽ.എസ്​ ഒൗട്ട്​സോഴ്​സിങ്​ സെൻററിലും ഏപ്രിൽ ആറിന്​ രാവിലെ 11 മുതൽ 12 വരെ അബ്ബാസിയ ഒലീവ്​ ഹൈപ്പർമാർക്കറ്റ്​ ബിൽഡിങ്ങിലെ ബി.എൽ.എസ്​ ഒൗട്ട്​സോഴ്​സ്​ സെൻററിലും ഏപ്രിൽ 13ന്​ രാവിലെ 11 മുതൽ 12 വരെ ഫഹാഹീൽ മക്ക സ്​ട്രീറ്റിലെ അൽ അനൂസ്​ ഷോപ്പിങ്​ കോംപ്ലക്​സിലെ ബി.എൽ.എസ്​ സെൻററിലും ഏപ്രിൽ 20ന്​ വൈകീട്ട്​ നാലുമുതൽ അഞ്ചുവരെ എംബസി ഒാഡിറ്റോറിയത്തിലും ഏപ്രിൽ 27ന്​ രാവിലെ 11 മുതൽ 12 വരെ കുവൈത്ത്​ സിറ്റിയിലെ ബി.എൽ.എസ്​ ഒൗട്ട്​​സോഴ്​സ്​ സെൻററിലുമാണ്​ അംബാസഡർ ജനങ്ങളെ കാണുക.

എല്ലാ ഇന്ത്യക്കാർക്കും പ​െങ്കടുക്കാമെന്നും സമൂഹ മാധ്യമത്തിൽ പരിപാടിയുടെ സംപ്രേഷണം ഉണ്ടാകില്ലെന്നും എംബസി വാർത്താക്കുറിപ്പിൽ അറിയിച്ചു. എല്ലാ മാസവും മൂന്നാം തീയതി ഷെഡ്യൂൾ പുറത്തുവിടുമെന്നും അധികൃതർ വ്യക്​തമാക്കി. കൂടുതൽ വിവരങ്ങൾക്ക്​ amboff.kuwait.gov.in എന്ന വിലാസത്തിൽ മെയിൽ അയക്കുകയോ എംബസിയുടെ 24 മണിക്കൂറും ലഭ്യമായ 12 വാട്​സാപ്​ ഹെൽപ്​ ലൈൻ നമ്പറിൽ ബന്ധപ്പെടുകയോ ചെയ്യാം.