ഫഹാഹീൽ ബി.എൽ.എസ് ഔട്ട്സോഴ്സ് കേന്ദ്രം ബുധനാഴ്ച മുതൽ തുറക്കും

കുവൈത്ത് സിറ്റി: കുവൈത്തിലെ ഇന്ത്യൻ എംബസിയുടെ താൽക്കാലികമായി അടച്ചിട്ട ഫഹാഹീലിലെ ബി.എൽ.എസ് ഔട്ട്സോഴ്സ് കേന്ദ്രം ജൂൺ 15 ബുധനാഴ്ച മുതൽ തുറന്നു പ്രവർത്തിക്കും. ശനി മുതൽ വ്യാഴം വരെ ദിവസങ്ങളിൽ രാവിലെ എട്ടുമുതൽ വൈകീട്ട് ആറുവരെയാണ് പ്രവർത്തിക്കുക. വെള്ളിയാഴ്ച അവധിയാകും. വൈകീട്ട് 5.15 വരെ മാത്രമേ സന്ദർശകർക്ക് ടോക്കൺ നൽകൂ. ഫഹാഹീൽ മക്ക സ്ട്രീറ്റിൽ അൽ അനൂദ് ഷോപ്പിങ് കോംപ്ലക്സിലെ മെസനൈൻ ഫ്ലോറിലാണ് കേന്ദ്രം പ്രവർത്തിക്കുന്നത്. ജലീബ് അൽ ശുയൂഖിലെ ബി.എൽ.എസ് കേന്ദ്രം മറ്റൊരു അറിയിപ്പുണ്ടാകുന്നത് വരെ അടഞ്ഞുകിടക്കും. കുവൈത്ത് സിറ്റിയിലെ ഔട്ട്സോഴ്സ് കേന്ദ്രം ശനി മുതൽ വ്യാഴം വരെ ദിവസങ്ങളിൽ രാവിലെ 7.30 മുതൽ രാത്രി 9.30 വരെ പ്രവർത്തിക്കും. 8.45 വരെ ടോക്കൺ നൽകും. വെള്ളിയാഴ്ച ഉച്ചക്ക് 2.30 മുതൽ രാത്രി 9.30 ​വരെ പ്രവർത്തിക്കും. 8.45 വരെയേ ടോക്കൺ നൽകൂ.