വിമാനത്താവളത്തിൽ വൈദ്യുതി കുടിശ്ശിക ഈടാക്കിത്തുടങ്ങി

കു​വൈ​ത്ത് സി​റ്റി: വി​ദേ​ശ പൗ​ര​ന്മാ​ർ വൈ​ദ്യു​തി, ജ​ലം എ​ന്നി​വ​ക്ക് ന​ൽ​കാ​നു​ള്ള കു​ടി​ശ്ശി​ക പി​രി​ച്ചെ​ടു​ക്ക​ൽ കു​വൈ​ത്ത് അ​ന്താ​രാ​ഷ്ട്ര വി​മാ​ന​ത്താ​വ​ള​ത്തി​ൽ ന​ട​പ്പാ​ക്കി​ത്തു​ട​ങ്ങി. സെ​പ്റ്റം​ബ​ർ ഒ​ന്നു മു​ത​ൽ കു​ടി​ശ്ശി​ക ഒ​ടു​ക്കാ​തെ പ്ര​വാ​സി​ക​ൾ​ക്ക് രാ​ജ്യം വി​ടാ​നാ​കി​ല്ലെ​ന്ന് ആ​ഭ്യ​ന്ത​ര മ​ന്ത്രാ​ല​യം നേ​ര​ത്തെ വ്യ​ക്ത​മാ​ക്കി​യി​രു​ന്നു. വി​മാ​ന​ത്താ​വ​ള​ത്തി​ൽ ഇ​വ പ​രി​ശോ​ധി​ക്കാ​നു​ള്ള സം​വി​ധാ​നം സ​ജ്ജീ​ക​രി​ച്ചി​ട്ടു​ണ്ട്. വെ​ള്ളി​യാ​ഴ്ച മു​ത​ൽ ഫ്ലാ​റ്റും സ്ഥാ​പ​ന​ങ്ങ​ളും വാ​ട​ക​ക്ക് എ​ടു​ത്ത​വ​ർ​ക്ക് വൈ​ദ്യു​തി കു​ടി​ശ്ശി​ക ഉ​ണ്ടോ എ​ന്ന് പ​രി​ശോ​ധി​ച്ചാ​ണ് ക​ട​ത്തി​വി​ട്ട​ത്.

രാ​ജ്യം വി​ടു​ന്ന​തി​ന് മു​മ്പ് പ്ര​വാ​സി​ക​ളു​ടെ ക​ട​ങ്ങ​ൾ ഈ​ടാ​ക്കാ​ൻ ഒ​ന്നാം ഉ​പ​പ്ര​ധാ​ന​മ​ന്ത്രി​യും ആ​ഭ്യ​ന്ത​ര മ​ന്ത്രി​യു​മാ​യ ശൈ​ഖ് ത​ലാ​ൽ ഖാ​ലി​ദ് അ​ൽ അ​ഹ​മ്മ​ദ് അ​സ്സ​ബാ​ഹ് ക​ർ​ശ​ന നി​ർ​ദേ​ശം ന​ൽ​കി​യി​രു​ന്നു. ഇ​തി​ന്റെ തു​ട​ർ​ച്ച​യാ​യി സ​ർ​ക്കാ​ർ ഏ​ജ​ൻ​സി​ക​ളും ആ​ഭ്യ​ന്ത​ര മ​ന്ത്രാ​ല​യ​വും ത​മ്മി​ലു​ള്ള ഏ​കോ​പ​ന​ത്തി​ലൂ​ടെ​യാ​ണ് ന​ട​പ​ടി​ക​ൾ ആ​രം​ഭി​ച്ച​ത്.

രാ​ജ്യ​ത്തി​ന്റെ സാ​മ്പ​ത്തി​ക ന​ഷ്ടം ത​ട​യാ​നും ക​ട​ങ്ങ​ൾ തി​രി​ച്ചു​പി​ടി​ക്കാ​നു​മാ​യാ​ണ് ന​ട​പ​ടി. പ്ര​വാ​സി​ക​ളും സ​ന്ദ​ർ​ശ​ക​രും രാ​ജ്യം വി​ടും​മു​മ്പ് ഗ​താ​ഗ​ത പി​ഴ​ക​ൾ ഒ​ടു​ക്ക​ണ​മെ​ന്ന നി​യ​മം ക​ഴി​ഞ്ഞ​മാ​സം നി​ല​വി​ൽ വ​ന്നി​രു​ന്നു. ഗ​താ​ഗ​ത നി​യ​മ​ലം​ഘ​ന പി​ഴ ഒ​ടു​ക്കാ​തെ വ്യ​ക്തി​ക​ൾ​ക്കും വാ​ഹ​ന​ങ്ങ​ൾ​ക്കും നി​ല​വി​ൽ രാ​ജ്യ​ത്തി​ന് പു​റ​ത്തേ​ക്ക് പോ​കാ​നാ​കി​ല്ല. അ​തി​ർ​ത്തി​ക​ളി​ലും വി​മാ​ന​ത്താ​വ​ള​ത്തി​ലും ഇ​തി​നാ​യി സ​ജ്ജീ​ക​ര​ണ​ങ്ങ​ൾ ഒ​രു​ക്കി.

വി​വി​ധ കേ​സു​ക​ളി​ൽ ഉ​ൾ​പ്പെ​ടു​ന്ന​വ​ർ​ക്ക് നി​യ​മ​പ്ര​ശ്നം കാ​ര​ണം നേ​ര​ത്തേ മു​ത​ൽ യാ​ത്രാ​വി​ല​ക്ക് ഏ​ർ​പ്പെ​ടു​ത്തി വ​രു​ന്നു​ണ്ട്. ഇ​തി​ന് പു​റ​മെ​യാ​ണ് വി​വി​ധ മ​ന്ത്രാ​ല​യ​ങ്ങ​ളും ന​ട​പ​ടി ശ​ക്ത​മാ​ക്കു​ന്ന​ത്. പ്ര​വാ​സി​ക​ൾ​ക്ക് അ​വ​ശ്യ​സേ​വ​ന​ങ്ങ​ൾ ന​ൽ​കു​ന്ന മ​റ്റ് മ​ന്ത്രാ​ല​യ​ങ്ങ​ളും സ​മാ​ന രീ​തി പി​ന്തു​ട​രു​മെ​ന്ന് സൂ​ച​ന​യു​ണ്ട്.

രാ​ജ്യ​ത്തു​നി​ന്ന് പു​റ​പ്പെ​ടാ​ൻ ഉ​ദ്ദേ​ശി​ക്കു​ന്ന വി​ദേ​ശ പൗ​ര​ന്മാ​ർ കു​ടി​ശ്ശി​ക​യു​ള്ള വൈ​ദ്യു​തി, ജ​ല ബി​ല്ലു​ക​ൾ തീ​ർ​പ്പാ​ക്ക​ണ​മെ​ന്ന് ആ​ഭ്യ​ന്ത​ര മ​ന്ത്രാ​ല​യം വ്യ​ക്ത​മാ​ക്കി. സ​ഹ​ൽ ആ​പ്, സ​ർ​ക്കാ​ർ ഇ​ല​ക്‌​ട്രോ​ണി​ക് സേ​വ​ന​ങ്ങ​ൾ എ​ന്നി​വ വ​ഴി ബി​ൽ ഓ​ൺ​ലൈ​നാ​യി അ​ട​ക്കാം. എ​ല്ലാ​വ​രോ​ടും നി​യ​മ​വ്യ​വ​സ്ഥ​ക​ൾ പാ​ലി​ക്കാ​നും ആ​ഭ്യ​ന്ത​ര മ​ന്ത്രാ​ല​യം ഉ​ണ​ർ​ത്തി.