ഈദ്: 2200 കുടുംബങ്ങൾക്ക് വസ്ത്രം നൽകുമെന്ന് റെഡ് ക്രസന്റ്

കുവൈത്ത് സിറ്റി: ബലിപെരുന്നാളിനോടനുബന്ധിച്ച് 2200 നിർധന കുടുംബങ്ങൾക്ക് പുതുവസ്ത്രം സമ്മാനിക്കുമെന്ന് കുവൈത്ത് റെഡ് ക്രസന്റ് സൊസൈറ്റി അറിയിച്ചു. ഇതിന്റെ ഭാഗമായി വസ്ത്രങ്ങൾ വാങ്ങുന്ന നടപടികൾ ആരംഭിച്ചിട്ടുണ്ട്.

മുൻവർഷങ്ങളിലും കുവൈത്ത് റെഡ് ക്രസന്റ് സൊസൈറ്റി കുവൈത്തിലും പുറംരാജ്യങ്ങളിലും പെരുന്നാൾ പുടവ വിതരണം ചെയ്യുന്ന കാമ്പയിൻ സംഘടിപ്പിക്കാറുണ്ട്. കൂടുതൽ സംഭാവന ലഭിക്കുന്നതിനനുസരിച്ച് കാമ്പയിൻ വിപുലപ്പെടുത്തുമെന്ന് കുവൈത്ത് റെഡ് ക്രസന്റ് സൊസൈറ്റി മേധാവി ഡോ. ഹിലാൽ അൽ സായർ പറഞ്ഞു.