പെരുന്നാൾ: വിലക്കയറ്റം തടയാൻ നിരീക്ഷണവുമായി മന്ത്രാലയം

കു​വൈ​ത്ത്​ സി​റ്റി: പെ​രു​ന്നാ​ളി​നോ​ട​നു​ബ​ന്ധി​ച്ച്​​ സാ​ധ​ന സാ​മ​ഗ്രി​ക​ൾ​ക്ക്​ വി​ല വ​ർ​ധി​പ്പി​ക്കു​ന്ന​ത്​ ത​ട​യാ​ൻ വി​പ​ണി നി​രീ​ക്ഷ​ണം ശ​ക്ത​മാ​ക്കി​യ​താ​യി​ വാ​ണി​ജ്യ മ​ന്ത്രാ​ല​യം അ​റി​യി​ച്ചു. സൂ​പ്പ​ർ​മാ​ർ​ക്ക​റ്റു​ക​ളി​ലും ചെ​റി​യ സ്​​റ്റോ​റു​ക​ളി​ലു​മെ​ല്ലാം മ​ന്ത്രാ​ല​യ​ത്തി​ലെ ഉ​ദ്യോ​ഗ​സ്ഥ​ർ പ​രി​ശോ​ധ​ന​ക്കെ​ത്തും. സ​ഹ​ക​ര​ണ സം​ഘ​ങ്ങ​ളി​ലെ​യും പൊ​തു​വി​പ​ണി​യി​ലെ​യും വി​ൽ​പ​ന പ​രി​ശോ​ധി​ക്കു​മെ​ന്ന്​ അ​ധി​കൃ​ത​ർ വ്യ​ക്ത​മാ​ക്കി. രാ​ജ്യ​ത്താ​ക​മാ​നം പ​രി​ശോ​ധ​ന ന​ട​ത്താ​ൻ മ​ന്ത്രാ​ല​യ​ത്തി​ലെ ഉ​​പ​ഭോ​ക്തൃ സം​ര​ക്ഷ​ണ​വ​കു​പ്പ്​ പ്ര​ത്യേ​ക സം​ഘ​ത്തെ ചു​മ​ത​ല​പ്പെ​ടു​ത്തി​യി​ട്ടു​ണ്ട്.അ​ന്യാ​യ​മാ​യി വി​ല വ​ർ​ധി​പ്പി​ക്കു​ന്നു​ണ്ടോ എ​ന്നും കേ​ടാ​യ സാ​ധ​ന​ങ്ങ​ൾ വി​ൽ​ക്കു​ന്നു​ണ്ടോ എ​ന്നും ഇൗ ​സം​ഘം പ​രി​ശോ​ധി​ക്കും.

ക്ര​മ​ക്കേ​ട്​ ക​ണ്ടു​പി​ടി​ക്കു​ക​യാ​ണെ​ങ്കി​ൽ പി​ഴ ചു​മ​ത്ത​ൽ മു​ത​ൽ ക​ട അ​ട​പ്പി​ക്കു​ന്ന​ത്​ വ​രെ​യു​ള്ള ന​ട​പ​ടി​ക​ൾ നേ​രി​ടേ​ണ്ടി വ​രും. അ​ത്യാ​വ​ശ്യ ഉ​ൽ​പ​ന്ന​ങ്ങ​ളെ​ല്ലാം വി​പ​ണി​യി​ൽ ല​ഭ്യ​മാ​ണെ​ന്ന്​ ഉ​റ​പ്പു​വ​രു​ത്ത​ലും പ്ര​ത്യേ​ക സം​ഘ​ത്തി​െൻറ ചു​മ​ത​ല​യി​ൽ പെ​ടും.

അ​മി​ത​വി​ല​യു​മാ​യോ മ​​റ്റു ചൂ​ഷ​ണ​ങ്ങ​ളു​മാ​യോ ബ​ന്ധ​പ്പെ​​ട്ട്​ പ​രാ​തി​ക​ളു​ണ്ടെ​ങ്കി​ൽ വാ​ണി​ജ്യ മ​ന്ത്രാ​ല​യ​ത്തി​െൻറ 135 എ​ന്ന ഹോ​ട്ട്​​ലൈ​ൻ ന​മ്പ​റി​ൽ ബ​ന്ധ​പ്പെ​ട​ണ​മെ​ന്ന്​ ഉ​പ​ഭോ​ക്താ​ക്ക​ളോ​ട്​ അ​ധി​കൃ​ത​ർ ആ​വ​ശ്യ​പ്പെ​ട്ടു. 130 അ​ടി​സ്ഥാ​ന ഉ​ൽ​പ​ന്ന​ങ്ങ​ളു​ടെ വി​ല നി​രീ​ക്ഷി​ക്കു​ന്ന​താ​യി വാ​ണി​ജ്യ മ​ന്ത്രാ​ല​യ​ത്തി​ന്​ കീ​ഴി​ൽ ഉ​പ​ഭോ​ക്തൃ സം​ര​ക്ഷ​ണ​ത്തി​നാ​യി പ്ര​വ​ർ​ത്തി​ക്കു​ന്ന അ​തോ​റി​റ്റി മേ​ധാ​വി ഫൈ​സ​ൽ അ​ൽ അ​ൻ​സാ​രി പ​റ​ഞ്ഞു.