പൊലിമയില്ലാതെ ഇന്ന്​ പെരുന്നാൾ; നമസ്​കാരം വീട്ടിൽ

കുവൈത്ത്​ സിറ്റി: ആഘോഷപ്പൊലിമയില്ലാതെയും സമീപകാല ചരിത്രത്തിൽ സമാനതകളില്ലാതെയും ഇത്തവണ ചെറിയ പെരുന്നാൾ. പ്രധാന ചടങ്ങായ പെരുന്നാൾ നമസ്​കാരം പള്ളിയിലും ഇൗദ്​ഗാഹിലും പോവാതെ വീട്ടിൽ നമസ്​കരിക്കാനാണ്​ ഒൗഖാഫ്​ മന്ത്രാലയം നിർദേശിച്ചിരിക്കുന്നത്​. 
കോവിഡ്​ പശ്ചാത്തലത്തിൽ പള്ളികൾ അടച്ചിട്ടതിനെ തുടർന്നാണ്​ നിർദേശം. സാധാരണ പെരുന്നാൾ ദിവസം വൈകീട്ട്​ നടക്കാറുള്ള കലാപരിപാടികൾ, പിക്​നിക്​, സാംസ്​കാരിക സദസ്സുകൾ ഒന്നും ഇത്തവണയില്ല. 

പൂർണ കർഫ്യൂവിൽ ഇളവ്​ അനുവദിച്ച വൈകുന്നേരത്തെ രണ്ടുമണിക്കൂർ മാത്രമാണ്​ ആകെ പുറത്തിറങ്ങാൻകൂടി കഴിയുക. അതുതന്നെ കടുത്ത നിയന്ത്രണങ്ങളോടെ വ്യായാമാവശ്യത്തിന്​ മാത്രം. കടകൾ അടഞ്ഞതിനാലും ആഘോഷപ്പൊലിമ ഇല്ലാത്തതിനാലും ആളുകൾ പുതുവസ്​ത്രം എടുത്തിട്ടില്ല. അതേസമയം, നല്ല ഭക്ഷണം കഴിച്ച്​ താമസ സ്ഥലത്ത്​ ചെറിയരീതിയിൽ സന്തോഷിക്കാൻ മുന്നൊരുക്കം നടത്തുന്നതി​​െൻറ തിരക്ക്​ കഴിഞ്ഞ ദിവസങ്ങളിൽ വിപണിയിൽ കാണാമായിരുന്നു. 

മാസങ്ങളായി ജോലിയും വരുമാനവുമില്ലാതെ പ്രയാസപ്പെടുന്ന പതിനായിരങ്ങൾക്ക്​ ഇത്​ വറുതിയുടെ പെരുന്നാൾ. പെരുന്നാൾ ദിവസം ആരും പട്ടിണികിടക്കരുതെന്ന്​ ഉറപ്പാക്കാൻ നിശ്ചയിച്ച ഫിത്ർ സകാത്​ നേരത്തേ കുവൈത്ത്​ ഉൾപ്പെടെ രാജ്യങ്ങളിൽനിന്ന്​ പിരിച്ചെടുക്കുന്നത്​ പല രാജ്യങ്ങളിലേക്കും കയറ്റി അയക്കുകയായിരുന്നെങ്കിൽ പ്രത്യേക സാഹചര്യത്തിൽ ഇത്തവണ ഒരുഭാഗം ഇവിടെ തന്നെ കൊടുത്തുതീർത്തു​. 

കുവൈത്ത് സിറ്റി: കോവിഡ്​ പ്രതിസന്ധിയുടെ പശ്ചാത്തലത്തിൽ ഇൗദ്​ഗാഹുകളും പള്ളിയിലെ പെരുന്നാൾ നമസ്​കാരവും ഇല്ലാത്ത പശ്ചാത്തലത്തിൽ കെ.​െഎ.ജി ഒാൺലൈനിൽ ‘പെരുന്നാൾ സന്ദേശം’ സംഘടിപ്പിക്കുന്നു. പ്രമുഖ പണ്ഡിതനും കെ.ഐ.ജി പ്രസിഡൻറുമായ ഫൈസൽ മഞ്ചേരി രാവിലെ 5.30ന്​ കെ.ഐ.ജി ഫേസ്ബുക്ക്​ പേജിലും യൂട്യൂബ് ചാനലിലും പെരുന്നാൾ സന്ദേശം നൽകി സംസാരിക്കും. കുവൈത്തിൽ പെരുന്നാൾ നമസ്കാര സമയം ഏകദേശം 5.10ഓടുകൂടി ആരംഭിക്കും. പെരുന്നാൾ നമസ്‌കാരം കഴിഞ്ഞയുടനെയാണ്​ ​‘പെരുന്നാൾ സന്ദേശം’.