വ്രതശുദ്ധിയുടെ നിറവിൽ വിശ്വാസികൾ; കുവൈത്തിൽ ഇന്ന് പെരുന്നാൾ പുലരി

കു​വൈ​ത്ത് സി​റ്റി: മാ​ന​ത്ത് ശ​വ്വാ​ൽ അ​മ്പി​ളി തെ​ളി​ഞ്ഞു. റ​മ​ദാ​ൻ വ്ര​ത​ശു​ദ്ധി​യു​ടെ പു​ണ്യ​വു​മാ​യി ഇ​സ്‍ലാം മ​ത വി​ശ്വാ​സി​ക​ൾ ഞാ​യ​റാ​ഴ്ച ഈ​ദു​ൽ ഫി​ത്ർ ആ​ഘോ​ഷി​ക്കും. ശ​നി​യാ​ഴ്ച വൈ​കീ​ട്ട് മാ​ന​ത്ത് അ​മ്പി​ളി​ക്കല തെ​ളി​ഞ്ഞ​തോ​ടെ ത​ക്ബീ​ര്‍ ധ്വ​നി​ക​ളോ​ടെ വി​ശ്വാ​സി​ക​ള്‍ ഈ​ദു​ല്‍ ഫി​ത്റി​നെ വ​ര​വേ​റ്റു.

പെ​രു​ന്നാ​ൾ സ​ന്തോ​ഷ​ങ്ങ​ൾ പ​ങ്കു​വെ​ച്ച് ജ​ന​ങ്ങ​ൾ പ​ര​സ്പ​രം ആ​ശം​സ​ക​ൾ നേ​ർ​ന്നു.​ശ​നി​യാ​ഴ്ച ശ​വ്വാ​ൽ മാ​സ​ത്തി​ലെ ആ​ദ്യ ദി​ന​വും ഈ​ദു​ൽ ഫി​ത്ർ ദി​ന​വു​മാ​ണെ​ന്ന് കു​വൈ​ത്ത് ശ​രീ​അ വി​ഷ​ൻ അ​തോ​റി​റ്റി അ​റി​യി​ച്ചു. നേ​ര​ത്തേ സൗ​ദി​യി​ൽ മാ​സ​പ്പിറ ക​ണ്ട​തോ​ടെ കു​വൈ​ത്തി​ലും ശ​നി​യാ​ഴ്ച ആ​കും പെ​രു​ന്നാ​ളെ​ന്ന് ഏ​താ​ണ്ട് ഉ​റ​പ്പി​ച്ചി​രു​ന്നു.

ഞാ​യ​റാ​ഴ്ച രാ​വി​ലെ പ​ള്ളി​ക​ളി​ലും ഈ​ദ്ഗാ​ഹു​ക​ളി​ലു​മാ​യി വി​ശ്വാ​സി​ക​ൾ ഒ​ത്തു​കൂ​ടി പെ​രു​ന്നാ​ൾ ന​മ​സ്കാ​രം നി​ർ​വ​ഹി​ക്കും. രാ​വി​ലെ 5:56നാ​ണ് പെ​രു​ന്നാ​ള്‍ ന​മ​സ്കാ​രം. 57 കേ​ന്ദ്ര​ങ്ങ​ൾ ഈ​ദ്‌ ഗാ​ഹി​നാ​യി ഔ​ദ്യോ​ഗി​ക​മാ​യി സ​ജ്ജീ​ക​രി​ച്ചി​രി​ച്ചി​ട്ടു​ണ്ട്. യൂ​ത്ത് സെ​ന്റ​റു​ക​ൾ, മൈ​താ​ന​ങ്ങ​ൾ എ​ന്നി​വ​യാ​ണ് ഈ​ദ്‌ ഗാ​ഹി​നാ​യി നി​ശ്ച​യി​ച്ച സ്ഥ​ല​ങ്ങ​ള്‍. ഇ​വി​ട​ങ്ങ​ളി​ൽ ന​മ​സ്കാ​ര​ങ്ങ​ൾ​ക്ക് എ​ത്തു​ന്ന​വ​ർ​ക്കാ​യി വി​പു​ല​മാ​യ സൗ​ക​ര്യ​ങ്ങ​ൾ ഒ​രു​ക്കി​യി​ട്ടു​ണ്ട്. മ​ല​യാ​ളി​ക​ൾ അ​ട​ക്കം വി​വി​ധ സം​ഘ​ട​ന​ക​ൾ​ക്കു കീ​ഴി​ൽ പ​ള്ളി​ക​ളി​ലും ഈ​ദ്ഗാ​ഹു​ക​ളി​ലും പെ​രു​ന്നാ​ൾ ന​മ​സ്കാ​രം ഒ​രു​ക്കി​യി​ട്ടു​ണ്ട്.

ശ​നി​യാ​ഴ്ച പ​ള്ളി​ക​ളു​ടെ​യും വി​വി​ധ സം​ഘ​ട​ന​ക​ളു​ടെ​യും നേ​തൃ​ത്വ​ത്തി​ൽ ഫി​ത്ർ സ​കാ​ത്ത് ശേ​ഖ​ര​ണ​വും സ​ജീ​വ​മാ​യി​രു​ന്നു. പ്രാ​ദേ​ശി​ക​മാ​യു​ള്ള ഫി​ത്ർ സ​കാ​ത്ത് വി​ത​ര​ണ​ത്തി​നു​പു​റ​മെ ലോ​ക​ത്തി​ന്‍റെ വി​വി​ധ ഭാ​ഗ​ങ്ങ​ളി​ൽ ക​ഷ്​​ട​ത​യ​നു​ഭ​വി​ക്കു​ന്ന വി​ശ്വാ​സി​ക​ൾ​ക്ക് ഇ​തി​ന്‍റെ വി​ഹി​തം എ​ത്തി​ക്കാ​നു​ള്ള ഏ​ർ​പ്പാ​ടു​ക​ളും വി​വി​ധ സം​ഘ​ങ്ങ​ൾ ചെ​യ്​​തി​ട്ടു​ണ്ട്. പെ​രു​ന്നാ​ൾ ദി​ന​ത്തി​ലും പി​റ്റേ​ന്നു​മൊ​ക്കെ​യാ​യി വി​വി​ധ സം​ഘ​ട​ന​ക​ളു​ടെ ആ​ഭി​മു​ഖ്യ​ത്തി​ൽ ഈ​ദ് സം​ഗ​മ​ങ്ങ​ളും കൂ​ട്ടാ​യ്മ​ക​ളും അ​ര​ങ്ങേ​റു​ന്നു​ണ്ട്.