ഇ-ലേണിങ്​ പ്ലാറ്റ്​​ഫോം: ചെലവ്​​ 64 ദശലക്ഷം ദീനാർ; ഉപയോഗിച്ചത്​ അഞ്ച്​ ശതമാനം വിദ്യാർഥികൾ

കു​വൈ​ത്ത്​ സി​റ്റി: കോ​വി​ഡ്​ കാ​ല​ത്ത്​ ഇ-​ലേ​ണി​ങ്​ പ്ലാ​റ്റ്​​ഫോം രൂ​പ​പ്പെ​ടു​ത്താ​നാ​യി കു​വൈ​ത്ത്​ വി​ദ്യാ​ഭ്യാ​സ മ​ന്ത്രാ​ല​യം ചെ​ല​വ​ഴി​ച്ച​ത്​ 64 ദ​ശ​ല​ക്ഷം ദീ​നാ​റി​ന്​ മു​ക​ളി​ൽ. സ്​​കൂ​ളു​ക​ളി​ലെ പ​തി​വ്​ ഒാ​ൺ​ലൈ​ൻ ക്ലാ​സു​ക​ൾ​ക്ക്​ പു​റ​മെ വി​ദ്യാ​ർ​ഥി​ക​ൾ​ക്കും അ​ധ്യാ​പ​ക​ർ​ക്കും പ്ര​യോ​ജ​ന​പ്പെ​ടു​ത്താ​നാ​ണ്​ വി​ദ്യാ​ഭ്യാ​സ മ​ന്ത്രാ​ല​യം ഇ-​ലേ​ണി​ങ്​ പോ​ർ​ട്ട​ൽ സ​ജ്ജീ​ക​രി​ച്ച​ത്.

എ​ന്നാ​ൽ, പൊ​തു​വി​ദ്യാ​ല​യ​ങ്ങ​ളി​ലെ 4,26,000 വി​ദ്യാ​ർ​ഥി​കളി​ൽ അ​ഞ്ചു ശ​ത​മാ​നം മാ​ത്ര​മാ​ണ്​ ഇ​ത്​ പ്ര​യോ​ജ​ന​പ്പെ​ടു​ത്തി​യ​തെ​ന്ന്​ ഒാ​ഡി​​റ്റ്​ ബ്യൂ​റോ റി​പ്പോ​ർ​ട്ടി​ൽ പ​റ​യു​ന്നു. 11 ദ​ശ​ല​ക്ഷം ദീ​നാ​റി​ന്​ മേ​ൽ ബ​ജ​റ്റ്​ വി​ഹി​തം വ​ക​യി​രു​ത്തി​യി​ട്ടും വി​ക​സ​ന പ​ദ്ധ​തി​ക​ൾ ന​ട​പ്പാ​ക്കു​ന്ന​തി​ൽ മ​ന്ത്രാ​ല​യം ക​ഴി​ഞ്ഞ അ​ധ്യ​യ​ന വ​ർ​ഷം പ​രാ​ജ​യ​മാ​യി​രു​ന്നു​വെ​ന്ന്​ ഒാ​ഡി​റ്റ്​ ബ്യൂ​റോ റി​​പ്പോ​ർ​ട്ടി​ൽ കു​റ്റ​പ്പെ​ടു​ത്തു​ന്നു.

സി​വി​ൽ സ​ർ​വി​സ്​ ബ്യൂ​റോ നി​ർ​ദേ​ശി​ച്ച പ്ര​കാ​രം അ​ധ്യാ​പ​ക​രു​ടെ പ​ഞ്ചി​ങ്​ സം​വി​ധാ​നം ഫ​ല​പ്ര​ദ​മാ​യി ന​ട​പ്പാ​ക്കാ​ൻ ക​ഴി​ഞ്ഞി​ട്ടി​ല്ല. മ​ന്ത്രാ​ല​യ​ത്തി​െൻറ ക​ഴി​ഞ്ഞ വ​ർ​ഷ​ത്തെ വ​രു​മാ​നം 6.2 ശ​ത​മാ​ന​മാ​ണ്​ വ​ർ​ധി​ച്ച​ത്. 2018 -19 വ​ർ​ഷ​ത്തി​ൽ 21.5 ശ​ത​മാ​ന​വും 2017 -18 വ​ർ​ഷ​ത്തി​ൽ 44.2 ശ​ത​മാ​ന​വും ഉ​ണ്ടാ​യി​രു​ന്ന സ്ഥാ​ന​ത്ത്​ ഇ​ത്​ വ​ള​ർ​ച്ച മു​ര​ടി​പ്പാ​ണ്​ കാ​ണി​ക്കു​ന്ന​തെ​ന്ന്​ റി​പ്പോ​ർ​ട്ടി​ൽ പ​റ​യു​ന്നു.