റെസിഡൻസി റദ്ദായ പ്രവാസികളുടെ ഡ്രൈവിങ് ലൈസൻസുകൾ റദ്ദാക്കൽ വരുന്നു

കു​വൈ​ത്ത് സി​റ്റി: കു​വൈ​ത്ത് റെ​സി​ഡ​ൻ​സി റ​ദ്ദാ​ക്കി​യ പ്ര​വാ​സി​ക​ളു​ടെ ​ഡ്രൈ​വി​ങ് ലൈ​സ​ൻ​സു​ക​ളും ഇ​നി റ​ദ്ദാ​കും. ഇ​ത്ത​ര​ത്തി​ലു​ള്ള 66,584 പ്ര​വാ​സി​ക​ളു​ടെ സാ​ധു​വാ​യ ലൈ​സ​ൻ​സു​ക​ൾ റ​ദ്ദാ​ക്കി​യ​താ​യി ആ​ഭ്യ​ന്ത​ര​മ​ന്ത്രാ​ല​യം അ​റി​യി​ച്ചു. പ്ര​വാ​സി​ക​ളു​ടെ ലൈ​സ​ൻ​സു​ക​ൾ പ​രി​ശോ​ധി​ക്കാ​ൻ നി​യോ​ഗി​ച്ച സ​മി​തി​യു​ടെ തീ​രു​മാ​ന​പ്ര​കാ​ര​മാ​ണ് ന​ട​പ​ടി. പ്ര​വാ​സി​ക​ൾ​ക്ക് അ​നു​വ​ദി​ച്ച ലൈ​സ​ൻ​സു​ക​ൾ പ​രി​ശോ​ധി​ച്ച് രാ​ജ്യ​ത്തെ പു​തി​യ വ്യ​വ​സ്ഥ​ക​ളു​മാ​യി ഒ​ത്തു​പോ​കു​ന്നി​ല്ല എ​ന്ന് തെ​ളി​ഞ്ഞ​തി​​നു പി​റ​കെ​യാ​ണ് റ​ദ്ദാ​ക്കി​യ​ത്.

ഇ​ത്ത​ര​ക്കാ​ർ വീ​ണ്ടും കു​വൈ​ത്തി​ൽ എ​ത്തി​യാ​ൽ പു​തി​യ ലൈ​സ​ൻ​സ് നേ​ടു​ന്ന​തി​നു​ള്ള ന​ട​പ​ടി​ക്ര​മ​ങ്ങ​ൾ സ്വീ​ക​രി​ക്കേ​ണ്ടി​വ​രും. പ്ര​വാ​സി​ക​ൾ​ക്ക് ഇ​ഷ്യൂ ചെ​യ്ത ഡ്രൈ​വി​ങ് ലൈ​സ​ൻ​സു​ക​ൾ പ​രി​ശോ​ധി​ക്കു​ന്ന​തി​നും അ​വ പാ​ലി​ക്കു​ന്നു​ണ്ടെ​ന്ന് ഉ​റ​പ്പു​വ​രു​ത്താ​നു​മാ​യി സ​മി​തി രൂ​പ​വ​ത്ക​രി​ക്കു​ന്ന​ത് സം​ബ​ന്ധി​ച്ച് ഒ​ന്നാം ഉ​പ​പ്ര​ധാ​ന​മ​ന്ത്രി​യും ആ​ഭ്യ​ന്ത​ര​മ​ന്ത്രി​യും ആ​ക്ടി​ങ് പ്ര​തി​രോ​ധ മ​ന്ത്രി​യു​മാ​യ ശൈ​ഖ് ത​ലാ​ൽ അ​ൽ ഖാ​ലി​ദ് അ​ൽ അ​ഹ​മ്മ​ദ് അ​സ്സ​ബാ​ഹ് നേ​ര​ത്തേ ഉ​ത്ത​ര​വി​റ​ക്കി​യി​രു​ന്നു.

പ്ര​വാ​സി​ക​ൾ​ക്ക് അ​നു​വ​ദി​ച്ച ഡ്രൈ​വി​ങ് ലൈ​സ​ൻ​സു​ക​ൾ പ​രി​ശോ​ധി​ച്ച് വ്യ​വ​സ്ഥ​ക​ൾ പാ​ലി​ക്കു​ന്നു​ണ്ടെ​ന്ന് ഉ​റ​പ്പു​വ​രു​ത്തു​ന്ന​തി​ൽ സ​മി​തി പ്ര​വ​ർ​ത്ത​നം തു​ട​രു​ക​യാ​ണ്. വി​ഷ​യ​ത്തി​ൽ സ​മി​തി മ​റ്റു ശി​പാ​ർ​ശ​ക​ൾ മു​ന്നോ​ട്ടു​വെ​ച്ചാ​ൽ മ​ന്ത്രി​ത​ല​ത്തി​ൽ ച​ർ​ച്ച​ചെ​യ്ത് തീ​രു​മാ​ന​ങ്ങ​ൾ പു​റ​പ്പെ​ടു​വി​ക്കും.

അ​തേ​സ​മ​യം, പ്ര​വാ​സി​ക​ൾ​ക്ക് ഡ്രൈ​വി​ങ് ലൈ​സ​ൻ​സ് ന​ൽ​കു​ന്ന​തു​മാ​യി ബ​ന്ധ​പ്പെ​ട്ട നി​യ​മ​ങ്ങ​ൾ രാ​ജ്യ​ത്ത് ക​ർ​ശ​ന​മാ​ക്കി​യി​ട്ടു​ണ്ട്. രാ​ജ്യ​ത്ത് പ്ര​വാ​സി​ക​ൾ​ക്ക് ഡ്രൈ​വി​ങ് ലൈ​സ​ൻ​സ് ല​ഭി​ക്കാ​ൻ കു​റ​ഞ്ഞ​ത് ര​ണ്ടു വ​ർ​ഷം ജോ​ലി ചെ​യ്യു​ക​യും കു​റ​ഞ്ഞ​ത് 600 ദീ​നാ​ർ ശ​മ്പ​ള​വും ബി​രു​ദ​വും അ​നി​വാ​ര്യ​മാ​ണ്. ലൈ​സ​ൻ​സി​ന് അ​പേ​ക്ഷി​ക്കു​ന്ന സ​മ​യ​ത്ത് ഉ​ള്ള ഈ ​യോ​ഗ്യ​ത​ക​ൾ പി​ന്നീ​ട് ന​ഷ്ട​പ്പെ​ട്ടാ​ൽ ലൈ​സ​ൻ​സ് സ​റ​ണ്ട​ർ ചെ​യ്യ​ണം. ഇ​ത്ത​ര​ക്കാ​രെ പി​ടി​കൂ​ടി ലൈ​സ​ൻ​സ് അ​ധി​കൃ​ത​ർ റ​ദ്ദാ​ക്കു​ന്ന​ു​ണ്ട്. ആ​യി​ര​ക്ക​ണ​ക്കി​ന് പ്ര​വാ​സി​ക​ളു​ടെ ലൈ​സ​ന്‍സു​ക​ളാ​ണ് അ​ടു​ത്തി​ടെ റ​ദ്ദാ​ക്കി​യ​ത്. രാ​ജ്യ​ത്ത് ഏ​ക​ദേ​ശം എ​ട്ടു ല​ക്ഷ​ത്തോ​ളം ഡ്രൈ​വി​ങ് ലൈ​സ​ന്‍സു​ക​ള്‍ വി​ദേ​ശി​ക​ളു​ടെ പേ​രി​ലാ​ണ്. പ്ര​വാ​സി​ക​ളു​ടെ ഡ്രൈ​വി​ങ് ലൈ​സ​ൻ​സ് കാ​ലാ​വ​ധി മൂ​ന്നു വ​ർ​ഷ​ത്തി​ൽ നി​ന്ന് ഒ​രു വ​ർ​ഷ​ത്തേ​ക്ക് ചു​രു​ക്കി​യി​ട്ടു​മു​ണ്ട്. ഇ​തോ​ടെ ഓ​രോ വ​ർ​ഷ​വും ലൈ​സ​ൻ​സ് പു​തു​ക്ക​ണം.