ഡ്രൈവിങ്​ ലൈസൻസ്​: കാലാവധി തീരുന്നതിന്​ ആറ്​ മാസം മുമ്പ്​ പുതുക്കാം

കുവൈത്ത്​ സിറ്റി: കുവൈത്തിൽ ഡ്രൈവിങ്​ ലൈസൻസുകൾ കാലാവധി തീരുന്നതിന് ആറ് മാസം മുമ്പ്​ പുതുക്കാമെന്ന്​ പൊതുഗതാഗത വകുപ്പ്. ലൈസൻസുകൾ പുതുക്കുന്നതിനുള്ള അപേക്ഷകൾ ഓൺലൈൻ വഴി സ്വീകരിക്കുമെന്നും അധികൃതർ അറിയിച്ചു.

ഇതുവരെ ലൈസൻസ് പുതുക്കുന്നതിനുള്ള അപേക്ഷകൾ കാലാവധി തീരുന്നതിനു ഒരു മാസത്തിനു മുമ്പ്​ മാത്രമായിരുന്നു സ്വീകരിച്ചിരുന്നത്. എന്നാൽ ജനറൽ ട്രാഫിക് ഡിപ്പാർട്ടമെൻറി​െൻറ പുതിയ അറിയിപ്പ് പ്രകാരം കാലാവധി തീരുന്നതിന്​ ആറ്​ മാസം മുമ്പ്​ മുതൽക്ക്​ പുതിയ ലൈസൻസിനുള്ള അപേക്ഷ നൽകാം. മതിയായ രേഖകൾ സഹിതം ആഭ്യന്തര വകുപ്പി​െൻറ ഓൺലൈൻ ഏകജാലക സംവിധാനം വഴി അപേക്ഷ സമർപ്പിക്കാം.

പുതുക്കിയ ലൈസൻസ് ഓട്ടോമേറ്റഡ് വെൻഡിങ് മെഷീനുകൾ വഴി പ്രിൻറ്​ ചെയ്തെടുക്കാം. ലൈസൻസ് അപേക്ഷയോടൊപ്പം സിവിൽ ഐഡി കോപ്പി, നിയമലംഘനങ്ങൾക്കുള്ള പിഴ അടച്ചതി​െൻറ ക്ലിയറൻസ് സർട്ടിഫിക്കറ്റ്, വിദേശികൾ താമസസ്ഥലം തെളിയിക്കുന്ന രേഖ എന്നിവ സമർപ്പിക്കണമെന്ന് അധികൃതർ കഴിഞ്ഞ ദിവസം അറിയിച്ചിരുന്നു.