കു​വൈ​ത്ത് നി​ല​പാ​ട് സ്വാ​ഗ​താ​ർ​ഹം -ഡോ. ​ഹു​സൈ​ൻ മ​ട​വൂ​ർ

കു​വൈ​ത്ത്‌ സി​റ്റി: ഇ​സ്രാ​യേ​ലി​ന്റെ ക്രൂ​ര​ത​ക്കും അ​ക്ര​മ​ങ്ങ​ൾ​ക്കും വി​ധേ​യ​മാ​യി ന​ര​കി​ക്കു​ന്ന ഫ​ല​സ്തീ​ൻ ജ​ന​ത​യോ​ടു​ള്ള കു​വൈ​ത്തി​ന്റെ സ​മീ​പ​നം ശ്ലാ​ഘ​നീ​യ​വും സ്വാ​ഗ​താ​ർ​ഹ​വു​മാ​ണെ​ന്ന് കെ.​എ​ൻ.​എം സം​സ്ഥാ​ന വൈ​സ് പ്ര​സി​ഡ​ന്റ് ഡോ. ​ഹു​സൈ​ൻ മ​ട​വൂ​ർ. ഹു​ദ സെ​ന്റ​ർ പ്ര​വ​ർ​ത്ത​ക​ർ ന​ൽ​കി​യ സ്വീ​ക​ര​ണ യോ​ഗ​ത്തി​ൽ സം​സാ​രി​ക്കു​ക​യാ​യി​രു​ന്നു ഹ്ര​സ്വ സ​ന്ദ​ർ​ശ​നാ​ർ​ഥം കു​വൈ​ത്തി​ലെ​ത്തി​യ അ​ദ്ദേ​ഹം.

ഗ​സ്സ ത​ക​ർ​ക്കു​ക​യും ആ​യി​ര​ക്ക​ണ​ക്കി​നാ​ളു​ക​ളെ കൊ​ന്നൊ​ടു​ക്കു​ക​യും ല​ക്ഷ​ക്ക​ണ​ക്കി​ന് പൗ​ര​ന്മാ​രോ​ട് നാ​ടു​വി​ടാ​ൻ ക​ൽ​പി​ക്കു​ക​യും ചെ​യ്യു​ന്ന ആ​ക്ര​മി​രാ​ഷ്ട്ര​ത്തോ​ട് ശ​ക്ത​മാ​യി അ​രു​തെ​ന്നു പ​റ​ഞ്ഞ രാ​ഷ്ട്ര​ങ്ങ​ളി​ലൊ​ന്നാ​ണ് കു​വൈ​ത്ത്. കു​വൈ​ത്ത് റെ​ഡ് ക്ര​സ​ന്റ് സൊ​സൈ​റ്റി​യും മ​റ്റ് ചാ​രി​റ്റി സം​ഘ​ങ്ങ​ളും മു​ഖേ​ന ട​ൺ​ക​ണ​ക്കി​ന് ഭ​ക്ഷ്യ​വ​സ്തു​ക്ക​ളും മ​രു​ന്നു​ക​ളും അ​വ​ശ്യ​വ​സ്തു​ക്ക​ളും ഫ​ല​സ്തീ​നി​ൽ എ​ത്തി​ച്ചു​ക​ഴി​ഞ്ഞു.

അ​മേ​രി​ക്ക​യു​ടെ​യും ബ്രി​ട്ട​ന്റെ​യും സ​ഹാ​യ​മാ​ണ് ഇ​സ്രാ​യേ​ലി​നെ കൂ​ടു​ത​ൽ ആ​ക്ര​മി​ക​ളാ​ക്കു​ന്ന​ത്. മ​ർ​ദ​ക​നെ​യും മ​ർ​ദി​ത​നെ​യും ഒ​രു​പോ​ലെ കാ​ണു​ന്ന നി​ഷ്പ​ക്ഷ സ​മീ​പ​ന​വും ശ​രി​യ​ല്ല. ഏ​ത് വി​ഷ​യ​ത്തി​ലും ശ​രി​യു​ടെ​യും നീ​തി​യു​ടെ​യും പ​ക്ഷ​ത്താ​ണ് നി​ൽ​ക്കേ​ണ്ട​ത്. ഇ​ക്കാ​ര്യ​ത്തി​ൽ കു​വൈ​ത്തും സൗ​ദി​യും ഖ​ത്ത​റും മ​റ്റു ഗ​ൾ​ഫ് രാ​ജ്യ​ങ്ങ​ളും നീ​തി​യു​ടെ പ​ക്ഷ​ത്ത് നി​ല​യു​റ​പ്പി​ച്ച​ത് ആ​ശ്വാ​സ​ക​ര​മാ​ണെ​ന്നും ഹു​സൈ​ൻ മ​ട​വൂ​ർ പ​റ​ഞ്ഞു. ഹു​ദ സെ​ന്റ​ർ പ്ര​സി​ഡ​ന്റ്‌ അ​ബ്ദു​ല്ല കാ​ര​കു​ന്ന് അ​ധ്യ​ക്ഷ​ത വ​ഹി​ച്ചു. ജ​ന​റ​ൽ സെ​ക്ര​ട്ട​റി അ​ബ്ദു​റ​ഹ്മാ​ൻ അ​ട​ക്കാ​നി സ്വാ​ഗ​ത​വും ആ​ദി​ൽ സ​ല​ഫി ന​ന്ദി​യും പ​റ​ഞ്ഞു.