തെറ്റായ വാർത്തകൾ പ്രചരിപ്പിക്കരുത്

കുവൈത്ത് സിറ്റി: തെറ്റായ വാർത്തകൾ പ്രചരിപ്പിക്കുന്നതിനെതിരെ സൈബർ ക്രൈം ഡിപ്പാർട്മെന്റ് മുന്നറിയിപ്പ്. കുവൈത്തികളും പ്രവാസികളും ഇത്തരം പ്രചാരണങ്ങളിൽ വീഴുന്നുണ്ടെന്നും കിംവദന്തികളും വളച്ചൊടിച്ച വാർത്തകളും പ്രചരിപ്പിക്കരുതെന്നും അറിയിപ്പുണ്ട്.

വിശ്വസനീയമായ മാധ്യമങ്ങളിൽ പ്രസിദ്ധീകരിക്കുന്നവയും ഔദ്യോഗിക ഉറവിടങ്ങളിൽനിന്ന് പുറപ്പെടുവിക്കുന്നതുമായ വിവരങ്ങൾ എടുക്കാൻ ആഭ്യന്തര മന്ത്രാലയവും നിർദേശിച്ചു.