കു​വൈ​ത്തി​ൽ ഗാ​ർ​ഹി​ക​ത്തൊ​ഴി​ലാ​ളി ക്ഷാ​മം രൂ​ക്ഷ​മാ​കും

കു​വൈ​ത്ത് സി​റ്റി: കു​വൈ​ത്തി​ൽ ഗാ​ർ​ഹി​ക​ത്തൊ​ഴി​ലാ​ളി ക്ഷാ​മം വീ​ണ്ടും രൂ​ക്ഷ​മാ​കു​മെ​ന്ന് മു​ന്ന​റി​യി​പ്പ്. 105,000 ഗാ​ർ​ഹി​ക​ത്തൊ​ഴി​ലാ​ളി​ക​ളു​ടെ ക​രാ​ർ ക​ഴി​യാ​നാ​യി. ഇ​ത് രാ​ജ്യ​ത്തെ ആ​കെ വ​നി​ത ഗാ​ർ​ഹി​ക തൊ​ഴി​ലാ​ളി​ക​ളു​ടെ 25 ശ​ത​മാ​നം വ​രും.

ഡി​മാ​ൻ​ഡ് ഉ​യ​രു​ന്ന​തി​ന​നു​സ​രി​ച്ച് പു​തി​യ തൊ​ഴി​ലാ​ളി​ക​ൾ എ​ത്താ​ത്ത​താ​ണ് പ്ര​തി​സ​ന്ധി സൃ​ഷ്ടി​ക്കു​ന്ന​ത്. റ​മ​ദാ​ൻ വ​രു​ന്ന​തോ​ടെ ഗാ​ർ​ഹി​ക​ത്തൊ​ഴി​ലാ​ളി​ക​ളു​ടെ ആ​വ​ശ്യം ഉ​യ​രും. വി​ദേ​ശ റി​ക്രൂ​ട്ടി​ങ് ഏ​ജ​ൻ​സി​ക​ൾ സ​ഹ​ക​രി​ക്കാ​ത്ത​താ​ണ് പ്ര​തി​സ​ന്ധി​ക്ക് കാ​ര​ണ​മെ​ന്ന് ഗാ​ർ​ഹി​ക​ത്തൊ​ഴി​ലാ​ളി​ക​ളു​മാ​യി ബ​ന്ധ​പ്പെ​ട്ട വി​ദ​ഗ്ധ​ൻ ബ​സ്സാം അ​ൽ ശ​മ്മാ​രി പ​റ​ഞ്ഞു. റി​ക്രൂ​ട്ട്മെ​ന്റ് നി​ര​ക്ക് മ​റ്റു രാ​ജ്യ​ങ്ങ​ളു​മാ​യി താ​ര​ത​മ്യം ചെ​യ്യു​മ്പോ​ൾ കു​റ​വാ​യ​താ​ണ് ഏ​ജ​ൻ​സി​ക​ളെ പി​ന്തി​രി​പ്പി​ക്കു​ന്ന​ത്. ഏ​ഷ്യ​ൻ തൊ​ഴി​ലാ​ളി​ക​ളു​ടെ റി​ക്രൂ​ട്ടി​ങ്ങി​ന് 1200 ദീ​നാ​ർ മു​ത​ൽ 1400 ദീ​നാ​ർ വ​രെ​യാ​ണ് മ​റ്റു ഗ​ൾ​ഫ് രാ​ജ്യ​ങ്ങ​ളി​ലെ നി​ര​ക്ക്.

എ​ന്നാ​ൽ, കു​വൈ​ത്തി​ൽ വാ​ണി​ജ്യ മ​ന്ത്രാ​ല​യം നി​ശ്ച​യി​ച്ച തു​ക ഇ​തി​ന്റെ പ​കു​തി​യേ വ​രൂ. പ്ര​തി​സ​ന്ധി പ​രി​ഹ​രി​ക്കാ​ൻ ഇ​ത്യേ​പ്യ​യി​ൽ​നി​ന്ന് വ​ൻ​തോ​തി​ൽ റി​ക്രൂ​ട്ട്മെ​ന്റ് ന​ട​ത്താ​ൻ പ​ദ്ധ​തി​യി​ട്ടി​രു​ന്നെ​ങ്കി​ലും ഇ​ത് എ​വി​ടെ​യും എ​ത്തി​യി​ട്ടി​ല്ല. ഇ​രു​രാ​ജ്യ​ങ്ങ​ളും ത​മ്മി​ൽ ക​ഴി​ഞ്ഞ വ​ർ​ഷം ക​രാ​റി​ൽ ഒ​പ്പി​ട്ട​താ​ണ്. ഗാ​ർ​ഹി​ക​ത്തൊ​ഴി​ലാ​ളി റി​ക്രൂ​ട്ട്മെ​ന്റി​ന് സ​ർ​ക്കാ​ർ രൂ​പ​വ​ത്ക​രി​ച്ച അ​ൽ ദു​ർ​റ ക​മ്പ​നി വി​വി​ധ രാ​ജ്യ​ങ്ങ​ളി​ൽ​നി​ന്ന് വ​ൻ​തോ​തി​ൽ തൊ​ഴി​ലാ​ളി​ക​ളെ എ​ത്തി​ക്കു​മെ​ന്നും റി​ക്രൂ​ട്ട്മെ​ന്റ് ചെ​ല​വ് ഗ​ണ്യ​മാ​യി കു​റ​യു​മെ​ന്നും അ​വ​കാ​ശ​പ്പെ​ട്ടി​രു​ന്നെ​ങ്കി​ലും ഫ​ല​വ​ത്താ​യി​ല്ല. ര​ണ്ട് തൊ​ഴി​ലാ​ളി​ക​ളു​ടെ ദാ​രു​ണ മ​ര​ണ​ത്തി​ന്റെ പ​ശ്ചാ​ത്ത​ല​ത്തി​ൽ ഫി​ലി​പ്പീ​ൻ​സ് കു​വൈ​ത്തി​ലേ​ക്ക് തൊ​ഴി​ലാ​ളി​ക​ളെ അ​യ​ക്കു​ന്ന​ത് നി​ർ​ത്താ​ൻ ആ​ലോ​ചി​ക്കു​ന്ന​താ​യി ക​ഴി​ഞ്ഞ ദി​വ​സം റി​പ്പോ​ർ​ട്ടു​ണ്ടാ​യി​രു​ന്നു. ഇ​ത് സം​ഭ​വി​ച്ചാ​ൽ കു​വൈ​ത്തി​ലെ ഗാ​ർ​ഹി​ക​ത്തൊ​ഴി​ലാ​ളി ക്ഷാ​മം ഏ​റെ രൂ​ക്ഷ​മാ​കും. രാ​ജ്യ​ത്തെ വ​നി​ത ഗാ​ർ​ഹി​ക​ത്തൊ​ഴി​ലാ​ളി​ക​ളി​ൽ ഗ​ണ്യ​മാ​യ ശ​ത​മാ​നം ഫി​ലി​പ്പീ​നി​ക​ളാ​ണ്.