ഭിന്നശേഷി വീൽചെയർ ബാസ്‌ക്കറ്റ്ബാൾ: കുവൈത്ത് ടീം ഫൈനലിൽ

കുവൈത്ത് സിറ്റി: ജോർഡനിലെ അമ്മാനിൽ നടക്കുന്ന എട്ടാമത് ഭിന്നശേഷി വെസ്റ്റ് ഏഷ്യ ക്ലബുകളുടെ വീൽചെയർ ബാസ്‌ക്കറ്റ്ബാൾ ചാമ്പ്യൻഷിപ്പിൽ കുവൈത്ത് ടീം ഫൈനലിൽ. തുടർച്ചയായ മൂന്ന് വിജയങ്ങൾക്കൊടുവിലാണ് കുവൈത്ത് ഡിസേബിൾഡ് സ്‌പോർട്സ് ക്ലബ് ഫൈനലിലേക്ക് കുതിച്ചത്. ടീമിന്റെ പ്രകടനത്തെയും ഫൈനൽ പ്രവേശനത്തെയും ക്ലബിന്‍റെ തലവൻ ഷാഫി അൽ ഹജ്‌രി പ്രശംസിച്ചു. ഫൈനലിൽ മികച്ച പ്രകടനം പുറത്തെടുക്കാനാകുമെന്നും കിരീടം നേടാനാകുമെന്നും ആത്മവിശ്വാസവും പ്രകടിപ്പിച്ചു.