അൻപവർക്ക്​ ആഹ്ളാദം; അളകൻ മാരിയപ്പൻ ജീവിച്ചിരിപ്പുണ്ട്​

കുവൈത്ത്​ സിറ്റി: മരിച്ചു ജീവിക്കുക എന്ന ചൊല്ല്​ അക്ഷരാർഥത്തിൽ പുലർന്നിരിക്കുകയാണ്​ തമിഴ്​നാട്​ സ്വദേശി അളകൻ മാരിയപ്പ​​​​െൻറ (60) ജീവിതത്തിൽ. ദീർഘനാളായി ഇദ്ദേഹത്തെ സംബന്ധിച്ച്​ ഒരു വിവരവും ഇല്ലായിരുന്നു. ഉറ്റവരും സന്നദ്ധ സംഘടനകളും എല്ലാ അന്വേഷണവും നടത്തി. കോവിഡ്​ ബാധിച്ച്​ സ്​പോൺസർ ഫർവാനിയ ആശുപത്രിയിൽ എത്തിച്ചതാണ്​ അളകൻ മാരിയപ്പനെ. പിന്നീട്​ ഗുരുതരാവസ്ഥയിലായി ജാബിർ ആശുപത്രിയിലേക്ക്​ മാറ്റി. അളക​​​​െൻറ കൈവശം ഫോൺ ഉണ്ടായിരുന്നില്ല. അന്വേഷിച്ച സ്​പോൺസർക്കും വിവരമൊന്നും ലഭിച്ചില്ല. ഒരു വിവരവും ലഭിക്കാതെ ഒടുവിൽ കുവൈത്തിലെ ശ്​മശാനത്തിൽ അടക്കം ചെയ്​തിട്ടുണ്ടാവാം എന്ന നിഗമനത്തിലും എത്തി. കോവിഡ്​ കാലത്ത്​ അങ്ങനെ പല വാർത്തകളും നമ്മൾ കണ്ടിട്ടുണ്ടല്ലോ. 

കോവിഡ്​ പ്രോ​േട്ടാകോൾ അനുസരിച്ച്​ മൃതദേഹം അധികം വെച്ചുതാമസിക്കാതെ മറവുചെയ്യുകയാണ്​ പതിവ്​. ബന്ധുക്കളെ വിവരം അറിയിക്കാൻ വഴിയില്ലാതെ കുവൈത്തിലും അങ്ങനെ അടക്കം ചെയ്​തിട്ടുണ്ട്​. ആത്​മാവിനെങ്കിലും ശാന്തി ലഭിക്ക​െട്ട എന്ന്​ കരുതി ബന്ധുക്കൾ നാട്ടിൽ അന്ത്യകർമ്മങ്ങൾ നടത്തി. കണ്ണീരോർമ്മയിൽ ഉടയവർ മനമുരുകി കഴിയു​േമ്പാളാണ്​ കഥയിലെ വഴിത്തിരിവ്​ സംഭവിക്കുന്നത്​. 

കുവൈത്തിലെ ശൈഖ്​ ജാബിർ ആശുപത്രിയിൽ സ്​റ്റാഫ്​ നഴ്​സായ കൊല്ലം സ്വദേശി ഇമ്മാനുവൽ ഒരു ദിവസം കെ.എം.സി.സി പാലക്കാട്​ ജില്ലാ ട്രഷറർ അബ്​ദുറസാഖ്​ കുമരനെല്ലൂരിനെ വിളിക്കുന്നു. രണ്ടുമാസമായി ചികിത്സയിൽ കഴിയുന്ന തമിഴ്​നാട്​ സ്വദേശി ഇപ്പോൾ ഒരുവിധം ഭേദപ്പെട്ട നിലയിലുണ്ട്​. ഇദ്ദേഹ​ത്തി​​​​െൻറ ബന്ധുക്കളോ പരിചയക്കാരോ ആയി ആരും ഇല്ല. ഒന്ന്​ അന്വേഷിക്കാമോ എന്ന്​ ചോദിച്ചു. 

അബ്​ദുറസാഖ്​ കുവൈത്തിലെ തമിഴ്​നാട്​ സ്വദേശികളുടെ കൂട്ടായ്​മയായ ‘വിടുതലൈ ചിരുത്തായ്​കൾ കച്ചി’യുടെ പ്രവാസി വിഭാഗമായ തായ്​മൺ കൾച്ചറൽ അസോസിയേഷൻ കുവൈത്ത്​ ഭാരവാഹികളെ ബന്ധപ്പെട്ട്​ വിവരങ്ങൾ കൈമാറി. സിവിൽ ​െഎഡിയും ഫോ​േട്ടായും കണ്ട അവർ ശരിക്കും​ ഞെട്ടി. രണ്ടുമാസമായി തങ്ങൾ അന്വേഷിച്ചുകൊണ്ടിരിക്കുന്ന അളകൻ മാരിയപ്പൻ. അൻപവർ അന്ത്യകർമ്മങ്ങൾ ചെയ്​തുകഴിഞ്ഞ അതേ അളകൻ. 
വിവരം ഉടൻ നാട്ടിൽ അറിയിച്ചു. അവിടെ ആഹ്ലാദം അലതല്ലി. അവരെല്ലാവരും മനസ്സിൽ മന്ത്രിച്ചു. ‘ഇമ്മാനുവൽ, ദൈവം നിങ്ങളോട്​ കൂടെയുണ്ട്​’. കുവൈത്തിലെ വിവിധ ആശുപത്രികളിൽ ഇങ്ങനെ അനാഥമായി കിടക്കുന്നവരുടെ വിവരങ്ങൾ പലപ്പോഴും മലയാളി നഴ്​സുമാരിലൂടെയാണ്​ പുറത്തറിയാറുള്ളത്​. ഇത്തവണ ഇമ്മാനുവലി​​​​െൻറ നിയോഗം. ഇപ്പോൾ രോഗമുക്​തി നേടി ആശുപത്രിവിട്ട അളകൻ തിരിച്ചെത്തുന്നതും കാത്തിരിക്കുകയാണ്​ ബന്ധുക്കളും നാട്ടുകാരും. ശിവഗംഗ ജില്ലയിലെ കരൈകുടി സ്വദേശിയാണ്​ അളകൻ. 

Latest Video: