യാത്രക്കാരെ വട്ടംകറക്കി വിമാനങ്ങൾ

കുവൈത്ത് സിറ്റി: മലയാളികളുടെ യാത്രാദുരിതം തുടരുന്നു. ഞായറാഴ്ച രാവിലെ കുവൈത്തില്‍നിന്ന് കണ്ണൂരിലേക്ക് പുറപ്പെടേണ്ട എയർ ഇന്ത്യ വിമാനം റദ്ദാക്കിയത് മുഴുവൻ യാത്രകളുടെയും താളംതെറ്റിച്ചു. 24 മണിക്കൂറിന് മുകളിൽ കണ്ണൂർ യാത്രക്കാർ വിമാനത്താവളങ്ങളിൽ കുടുങ്ങി. തുടർന്ന് തിങ്കളാഴ്ച ഉച്ച 12.30ന് പുറപ്പെട്ട കോഴിക്കോട് എയർ ഇന്ത്യ എക്സ്പ്രസിലാണ് കണ്ണൂർ യാത്രക്കാരെ നാട്ടിലെത്തിച്ചത്. കോഴിക്കോട് വിമാനം മംഗളൂരു, കണ്ണൂർ എന്നിവിടങ്ങളിലൂടെ വഴി തിരിച്ചുവിടുകയായിരുന്നു.

അതേസമയം, തിങ്കളാഴ്ച ഉച്ചയിലെ കോഴിക്കോട് വിമാനത്തിൽ കണ്ണൂർ യാത്രക്കാരെ ഉൾക്കൊള്ളിച്ചതോടെ ഇതേ വിമാനത്തിൽ കോഴിക്കോട്ടേക്ക് ടിക്കറ്റെടുത്തവർ പുറത്തായി. ഇവരെ തിങ്കളാഴ്ച രാത്രി ദുബൈ-കോഴിക്കോട് എയർ ഇന്ത്യ വിമാനം കുവൈത്തിലെത്തിച്ച് അതിൽ കയറ്റിവിടുകയായിരുന്നു.

കുവൈത്തിൽ നിന്ന് ഞായറാഴ്ച രാവിലെ പുറപ്പെടേണ്ട കണ്ണൂർ എയർ ഇന്ത്യ എക്സ്പ്രസ് IX 894 വിമാനമാണ് സാങ്കേതിക തകരാറിനെ തുടര്‍ന്ന് റദ്ദാക്കിയത്. 9.30ന് എമിഗ്രേഷൻ നടപടികൾ എല്ലാം പൂർത്തിയായതിന് പിറകെ സാങ്കേതികത്തകരാർമൂലം വൈകീട്ട് ആറിനേ പുറപ്പെടൂ എന്ന അറിയിപ്പാണ് ആദ്യം വന്നത്. അത് രാത്രി 10.30, 12.30 എന്നിവയിലേക്ക് മാറ്റുകയും ഒടുക്കം റദ്ദാക്കിയതായി അറിയിക്കുകയുമായിരുന്നു.

ഇതിനിടെ, അത്യാവശ്യയാത്രക്കാർ ടിക്കറ്റ് റദ്ദാക്കി തിങ്കളാഴ്ച പുലർച്ചെ കൊച്ചിയിലേക്കുള്ള ഇൻഡിഗോ വിമാനത്തിൽ നാട്ടിലേക്ക് തിരിച്ചു. കൊച്ചിയിൽനിന്ന് മംഗളൂരുവിലേക്കും കണ്ണൂരും എത്താൻ ഇവർക്ക് അധിക ചെലവും സമയനഷ്ടവുമുണ്ടായി.

കോഴിക്കോട് യാത്രക്കാർക്കും ദുരിതം

കണ്ണൂർ വിമാനം റദ്ദാക്കിയത് കോഴിക്കോട് യാത്രക്കാരെയും വട്ടംകറക്കി. തിങ്കളാഴ്ച രാവിലെ 11.30 എയർ ഇന്ത്യ എക്സ്പ്രസ് ടിക്കറ്റെടുത്തവരിൽ ഭൂരിപക്ഷത്തിനും രാവിലെ പോകാനായില്ല. ഞായറാഴ്ചയിലെ കണ്ണൂർ യാത്രക്കാരെ ഉൾക്കൊള്ളിച്ചതോടെ സീറ്റു നിറഞ്ഞു. മുതിർന്ന പൗരന്മാർ, ഫാമിലി, രോഗികൾ എന്നിവർക്കാണ് ആദ്യപരിഗണന ലഭിച്ചത്. ഇതേവിമാനം മംഗളൂരു, കണ്ണൂർ വഴി തിരിച്ചുവിട്ടതോടെ ഇവർക്ക് യാത്രാസമയം കൂടുകയും ചെയ്തു.

പുറത്തായ 60 ലേറെ പേർ വൈകീട്ടുവരെ വിമാനത്താവളത്തിൽ കഴിയേണ്ടിയും വന്നു. തുടർന്ന് രാത്രി ദുബൈ-കോഴിക്കോട് വിമാനം കുവൈത്തിലെത്തി ഇവരെ കൂടി കയറ്റി പറക്കുകയായിരുന്നു.

ഇ​ന്ന​ത്തെ ക​ണ്ണൂ​ർ എ​ക്സ്പ്ര​സ് വൈ​കും

ചൊ​വ്വാ​ഴ്ച രാ​വി​ലെ കു​വൈ​ത്തി​ൽ​നി​ന്ന് ക​ണ്ണൂ​രി​ലേ​ക്ക് പു​റ​പ്പെ​ടു​ന്ന എ​യ​ർ ഇ​ന്ത്യ എ​ക്സ്പ്ര​സ് വൈ​കും. രാ​വി​ലെ 9.55ന് ​പു​റ​പ്പെ​ടേ​ണ്ട വി​മാ​നം ​ഉ​ച്ച​ക​ഴി​ഞ്ഞ് 3.05ന് ​പു​റ​പ്പെ​ടു​മെ​ന്നാ​ണ് യാ​ത്ര​ക്കാ​ർ​ക്ക് ല​ഭി​ച്ച വി​വ​രം. ഇ​തോ​ടെ അ​ഞ്ചു​മ​ണി​ക്കൂ​ർ വൈ​കി​യാ​യി​രി​ക്കും വി​മാ​നം പു​റ​പ്പെ​ടു​ക.

ഷാ​ർ​ജ​യി​ൽ ‘കു​ടു​ക്കി’ എ​യ​ർ അ​റേ​ബ്യ

കു​വൈ​ത്തി​ൽ​ നി​ന്ന് ഷാ​ർ​ജ​യി​ലേ​ക്കു​ള്ള വി​മാ​നം വൈ​കി​യ​തി​നാ​ൽ ക​ണ​ക്ഷ​ൻ ഫ്ലൈ​റ്റ് മി​സാ​യ​ത് മ​ല​യാ​ളി കു​ടും​ബ​ത്തെ ഷാ​ർ​ജ​യി​ൽ കു​ടു​ക്കി. ഞാ​യ​റാ​ഴ്ച വൈ​കീ​ട്ട് കു​വൈ​ത്തി​ൽ​നി​ന്ന് ഷാ​ർ​ജ​യി​ലേ​ക്കു​ള്ള എ​യ​ർ അ​റേ​ബ്യ വി​മാ​ന​ത്തി​ൽ പു​റ​പ്പെ​ട്ട മു​ഹ​മ്മ​ദ് മു​നാ​സി​നും കു​ടും​ബ​ത്തി​നു​മാ​ണ് ദു​രി​തം. വൈ​കീ​ട്ട് 6.30ന് ​പു​റ​പ്പെ​ടേ​ണ്ട വി​മാ​നം എ​ട്ടു​മ​ണി​യോ​ടെ​യാ​ണ് കു​വൈ​ത്തി​ൽ പു​റ​പ്പെ​ട്ട​ത്. ഏ​റെ വൈ​കി 11.30 ക​ഴി​ഞ്ഞാ​ണ് ഷാ​ർ​ജ​യി​ൽ എ​ത്തി​യ​ത്.

ഇ​തോ​ടെ 9.45നു​ള്ള കോ​ഴി​ക്കോ​ട് ക​ണ​ക്ഷ​ൻ വി​മാ​നം മു​നാ​സി​നും കു​ടും​ബ​ത്തി​നും ല​ഭി​ച്ചി​ല്ല. ഭാ​ര്യ​യും 45 ദി​വ​സം മാ​ത്രം പ്രാ​യ​മു​ള്ള കു​ഞ്ഞും ഏ​ഴു​വ​യ​സ്സു​ള്ള മ​റ്റൊ​രു മ​ക​നും മു​നാ​സി​നൊ​പ്പം ഉ​ണ്ടാ​യി​രു​ന്നു. വി​മാ​നം വൈ​കി​യ​ത് ഇ​വ​രെ​യെ​ല്ലാം ദു​രി​ത​ത്തി​ലാ​ക്കി. ഞാ​യ​റാ​ഴ്ച രാ​ത്രി ഹോ​ട്ട​ലി​ലേ​ക്ക് മാ​റാ​നും തി​ങ്ക​ളാ​ഴ്ച രാ​ത്രി​യു​ള്ള വി​മാ​ന​ത്തി​ൽ കോ​ഴി​ക്കോ​ട് എ​ത്തി​ക്കാ​മെ​ന്നു​മാ​ണ് വി​മാ​ന അ​ധി​കൃ​ത​ർ അ​റി​യി​ച്ച​ത്.

തി​ങ്ക​ളാ​ഴ്ച വൈ​കീ​ട്ടു​വ​രെ അ​നി​ശ്ചി​ത​ത്വം നി​ല​നി​ന്ന​തും ഭ​ക്ഷ​ണ​കാ​ര്യ​ങ്ങ​ളി​ല​ട​ക്കം അ​ശ്ര​ദ്ധ​യോ​ടെ​യു​ള്ള അ​ധി​കൃ​ത​രു​ടെ ഇ​ട​പെ​ട​ലും പ്ര​യാ​സം തീ​ർ​ത്ത​യാ​യി മു​നാ​സ് പ​റ​ഞ്ഞു. തിങ്കളാഴ്ച രാത്രി 10ഓടെ ഷാർജ-കോഴിക്കോട് വിമാനത്തിൽ മുനാസും കുടുംബവും നാട്ടിലേക്ക് തിരിച്ചു.

കാ​ത്തി​രി​പ്പി​ന്റെ ഒ​രു പ​ക​ലും രാ​ത്രി​യും

വി​മാ​നം പ്ര​തീ​ക്ഷി​ച്ച് ഒ​രു പ​ക​ലും രാ​ത്രി​യു​മാ​ണ് കു​വൈ​ത്ത്-​ക​ണ്ണൂ​ർ യാ​ത്ര​ക്കാ​ർ കാ​ത്തി​രു​ന്ന​ത്. ഞാ​യ​റാ​ഴ്ച രാ​വി​ലെ 9.30ന് ​പു​റ​പ്പെ​ടു​ന്ന വി​മാ​ന​ത്തി​നാ​യി ആ​റു​മ​ണി​യോ​ടെ ഭൂ​രി​പ​ക്ഷ​വും വി​മാ​ന​ത്താ​വ​ള​ത്തി​ൽ എ​ത്തി​യി​രു​ന്നു.

അ​സു​ഖ​ബാ​ധി​ത​രും കു​ട്ടി​ക​ളും കു​ടും​ബ​വും അ​ട​ങ്ങു​ന്ന യാ​ത്ര​ക്കാ​രും ഇ​തി​ൽ ഉ​ണ്ടാ​യി​രു​ന്നു. ക്രി​സ്മ​സ് രാ​ത്രി വീ​ട്ടി​ലെ​ത്താ​മെ​ന്ന പ്ര​തീ​ക്ഷ​യി​ൽ യാ​ത്ര​ക്കൊ​രു​ങ്ങി​യ​വ​ർ​ക്കും വി​മാ​നം മു​ട​ങ്ങി​യ​ത് തി​രി​ച്ച​ടി​യാ​യി.

ആ​ശു​പ​ത്രി​യി​ൽ അ​ത്യാ​സ​ന്ന നി​ല​യി​ലു​ള്ള മാ​താ​വി​നെ കാ​ണാ​ൻ അ​ടി​യ​ന്ത​ര​മാ​യി മം​ഗ​ളൂ​രു​വി​ലേ​ക്ക് ടി​ക്ക​റ്റെ​ടു​ത്ത യു​വാ​വും യാ​ത്ര​ക്കാ​രി​ലു​ണ്ടാ​യി​രു​ന്നു. വി​മാ​നം ഉ​ട​ൻ പു​റ​പ്പെ​ടു​മെ​ന്ന പ്ര​തീ​ക്ഷ​യി​ൽ രാ​വി​ലെ വ​രെ കാ​ത്തി​രു​ന്ന ഇ​യാ​ൾ ഒ​ടു​വി​ൽ തി​ങ്ക​ളാ​ഴ്ച രാ​വി​ലെ കു​വൈ​ത്തി​ൽ​നി​ന്ന് ഇ​ൻ​ഡി​ഗോ വി​മാ​ന​ത്തി​ൽ കൊ​ച്ചി​യി​ലേ​ക്ക് പു​റ​പ്പെ​ടു​ക​യാ​യി​രു​ന്നു.