മു​ത്തു​വാ​രി അ​വ​രെ​ത്തി; മു​ത്തം ചാ​ർ​ത്തി വ​ര​വേ​ൽ​പ്പ്​​

കു​വൈ​ത്ത്​ സി​റ്റി: ആ​ഴി​യു​ടെ ആ​ഴ​ങ്ങ​ളി​ൽ​നി​ന്ന് വാ​രി​യ മു​ത്തു​ക​ളു​മാ​യി അ​വ​ർ ക​ര​യ​ണ​ഞ്ഞു. ക​ര​യി​ൽ ക​ൺ​പാ​ർ​ത്തി​രു​ന്ന ബ​ന്ധു​ക്ക​ളും സു​ഹൃ​ത്തു​ക്ക​ളും ആ​ഘോ​ഷ​പൂ​ർ​വം മു​ത്തം ചാ​ർ​ത്തി വ​ര​വേ​റ്റു. 31ാമ​ത് ദേ​ശീ​യ മു​ത്തു​വാ​ര​ൽ ഉ​ത്സ​വ​ത്തി​​െൻറ ഭാ​ഗ​മാ​യി ഒ​രാ​ഴ്ച മു​മ്പ്​ ഖൈ​റാ​ൻ ദ്വീ​പി​ലേ​ക്ക്‌ പോ​യ സം​ഘ​മാ​ണ് കൈ​നി​റ​യെ മു​ത്തു​ക​ളു​മാ​യി തി​രി​കെ​യെ​ത്തി​യ​ത്. 13 പാ​യ്ക്ക​പ്പ​ലു​ക​ളി​ലാ​യി 195 യു​വാ​ക്ക​ള​ട​ങ്ങു​ന്ന സം​ഘ​മാ​ണ് വ്യാ​ഴാ​ഴ്ച വൈ​കീ​ട്ട് സാ​ൽ​മി​യ തീ​ര​ത്ത്​ മ​ട​ങ്ങി​യെ​ത്തി​യ​ത്. മു​ത്തു​വാ​ര​ൽ സം​ഘ​ത്തെ സ്വീ​ക​രി​ക്കാ​ൻ ബ​ന്ധു​ക്ക​ളും സു​ഹൃ​ത്തു​ക്ക​ളും ഉ​ദ്യോ​ഗ​സ്ഥ​രും ഉ​ൾ​പ്പെ​ടെ നി​ര​വ​ധി പേ​ർ തീ​ര​ത്ത് നി​ല​യു​റ​പ്പി​ച്ചി​രു​ന്നു. പൈ​തൃ​കോ​ത്സ​വ ഭാ​ഗ​മാ​യി ക​ട​ലാ​ഴ​ങ്ങ​ൾ താ​ണ്ടി തി​രി​ച്ചെ​ത്തി​യ​വ​ർ​ക്ക്​ വീ​രോ​ചി​ത വ​ര​വേ​ൽ​പ്പാ​ണ് സാ​ൽ​മി​യ സീ ​സ്പോ​ർ​ട്സ് ക്ല​ബ് പ​രി​സ​ര​ത്ത് ഒ​രു​ക്കി​യ​ത്.

അ​മീ​ർ ശൈ​ഖ്​ സ​ബാ​ഹ് അ​ൽ അ​ഹ​മ്മ​ദ് അ​സ്സ​ബാ​ഹി​​െൻറ പ്ര​തി​നി​ധി​യാ​യി സാ​മൂ​ഹി​ക ക്ഷേ​മ​കാ​ര്യ മ​ന്ത്രി സ​അ​ദ് അ​ൽ ഖ​റാ​സ് വ​ര​വേ​ൽ​പ്പ് ച​ട​ങ്ങി​ൽ പ​ങ്കെ​ടു​ത്തു. മു​ങ്ങി​യെ​ടു​ത്ത മു​ത്തു​ക​ൾ സം​ഘം ബ​ന്ധു​മി​ത്രാ​ദി​ക​ൾ​ക്ക്​ മു​ന്നി​ൽ പ്ര​ദ​ർ​ശി​പ്പി​ച്ചു. ഇ​വ അ​മീ​റി​ന് കാ​ഴ്ച വെ​ക്കു​ന്ന​തോ​ടെ 31ാമ​ത്​ മു​ത്തു​വ​രാ​ൽ ഉ​ത്സ​വ​ത്തി​ന് ഔ​ദ്യോ​ഗി​ക പ​രി​സ​മാ​പ്തി​യാ​കും. ക​ഴി​ഞ്ഞ വ്യാ​ഴാ​ഴ്ച​യാ​ണ് മു​ത്തു​വാ​ര​ൽ സം​ഘം സാ​ൽ​മി​യ തീ​ര​ത്തു​നി​ന്ന് യാ​ത്ര ആ​രം​ഭി​ച്ച​ത്. നാ​ട​ൻ​പാ​ട്ടു​ക​ളു​ടെ​യും താ​ള​വാ​ദ്യ​ങ്ങ​ളു​ടെ​യും അ​ക​മ്പ​ടി​യോ​ടെ​യാ​ണ് നാ​ടി​െൻറ വീ​ര​നാ​യ​ക​ന്മാ​രെ സ്വീ​ക​രി​ച്ച​ത്. മൂ​ന്നു പ​തി​റ്റാ​ണ്ട് മു​മ്പാ​ണ് മു​ത്തു​വാ​ര​ൽ ഉ​ത്സ​വ​മാ​ക്കി ആ​ഘോ​ഷി​ക്കാ​ൻ തു​ട​ങ്ങി​യ​ത്. രാ​ജ്യം സ​മ്പ​ന്ന​ത​യി​ൽ കു​ളി​ച്ചു​നി​ൽ​ക്കു​മ്പോ​ഴും മു​മ്പു​ള്ള വ​റു​തി​യു​ടെ കാ​ല​ത്തെ പ്ര​ധാ​ന വ​രു​മാ​ന മാ​ർ​ഗ​ങ്ങ​ളി​ലൊ​ന്നാ​യ മു​ത്തു​വാ​ര​ൽ മ​റ​ക്കാ​ത്ത പ​ഴ​യ ത​ല​മു​റ​ക്കൊ​പ്പം പു​തു​ത​ല​മു​റ​യും ചേ​രു​ന്ന കാ​ഴ്ച​യാ​യി​രു​ന്നു സാ​ൽ​മി​യ തീ​ര​ത്ത്.