തൃശൂർ സ്വദേശി കുവൈത്തിൽ തൂങ്ങിമരിച്ച നിലയിൽ

കു​വൈത്ത്​ സിറ്റി: തൃശൂർ സ്വദേശിയെ കുവൈത്തിൽ തൂങ്ങിമരിച്ച നിലയിൽ കണ്ടെത്തി. തൃശൂർ അമ്മാടം പെല്ലിശ്ശേരി വീട്ടിൽ വിൽസൺ (42) ആണ്​ മരിച്ചത്​. ഫഹാഹീലിലെ ബാച്ചിലർ മുറിയിൽനിന്ന്​ മേയ്​ മൂന്നിന്​ രാവിലെ ഒമ്പതരക്ക്​ പോയതാണ്​. സുഹൃത്തുക്കൾ നടത്തിയ അന്വേഷണത്തിൽ ആത്​മഹത്യ കുറിപ്പ്​ കണ്ടെത്തി. കടുത്ത മാനസികസമ്മർദത്തിലായിരുന്ന അദ്ദേഹം മരിക്കുന്ന സ്ഥലവും കാരണവും ആത്മഹത്യാക്കുറിപ്പിൽ വ്യക്തമാക്കിയിരുന്നു. മുമ്പ്​ താമസിച്ച കെട്ടിടത്തിലെ മൂന്നാംനിലയിലാണ്​ മൃതദേഹം ക​ണ്ടത്​. അൽ ജുലൈഹ പെട്രോളിയം കമ്പനിയിൽ വെൽഡറായിരുന്നു. പിതാവ്​: പൈലി. മാതാവ്​: ഗ്രേസ്​. ഭാര്യ: ഷെറിൻ. രണ്ട്​ മക്കളുണ്ട്​.