കോട്ടയം സ്വദേശിനി കുവൈത്തിൽ മരിച്ചു

കു​വൈത്ത്​ സിറ്റി: കോട്ടയം സംക്രാന്തി സ്വദേശിനി കുവൈത്തിൽ മരിച്ചു. സുമി തെക്കനായില്‍ (37) ആണ്​ മരിച്ചത്​. മുബാറക്​ ആശുപത്രിയിലേക്ക്​ കൊണ്ടുപോവുംവഴിയാണ്​ മരണം. ഹൃദയാഘാതമാണ് മരണകാരണം എന്നാണ് മെഡിക്കല്‍ റിപ്പോര്‍ട്ട്. ആറുമാസം മുമ്പാണ് ഹോം നഴ്‌സായി സുമി കുവൈത്തിലെത്തിയത്. 

കോട്ടയം പാറമ്പുഴ സംക്രാന്തി മാമ്മൂട് സ്വദേശിനിയാണ്. ഭര്‍ത്താവ് ഉപേക്ഷിച്ച സുമിക്ക് രണ്ട് മക്കളാണുള്ളത്. വീട്ടുജോലിക്കായി കുവൈത്തിലെത്തിയ ഇവർ ജോലി നഷ്​ടപ്പെട്ടതിനെ തുടര്‍ന്ന് ആഴ്ചകളായി എംബസിയുടെ ഷെല്‍ട്ടറില്‍ കഴിയുകയായിരുന്നു എന്നാണ് വിവരം.