കാസർകോട്​ സ്വദേശി കുവൈത്തിൽ മരിച്ചു

കുവൈത്ത് സിറ്റി: കാസർകോട്​ സ്വദേശി കുവൈത്തിൽ മരിച്ചു. തൃക്കരിപ്പൂർ കൈക്കോട്ടുകടവ് പൂവളപ്പ് സ്വദേശി മൂപ്പൻറകത്ത്​ അബ്​ദുറഹ്​മാൻ (60) ആണ്​ മരിച്ചത്​. കുവൈത്ത് കെ.എം.സി.സി അംഗമാണ്​. ന്യൂമോണിയ ബാധിച്ച്​ കഴിഞ്ഞദിവസമാണ് ജാബിർ ആശുപത്രിയിൽ പ്രവേശിപ്പിച്ചത്. പിതാവ്: പരേതനായ മുഹമ്മദ് കുഞ്ഞി. മാതാവ്: പരേതയായ മറിയുമ്മ. ഭാര്യ: ലൈല. സഹോദരങ്ങൾ: അബ്​ദുൽ അസീസ്, അബ്​ദുല്ല, അഹമ്മദ്, ആസിയ, കുഞ്ഞാമിന. കുവൈത്ത് പേൾ കാറ്ററിങ്​ കമ്പനിയിൽ ഷെഫ് ആയിരുന്നു. കോവിഡ് പരിശോധനക്കുശേഷം ഖബറടക്കം സംബന്ധിച്ച നടപടിക്രമങ്ങൾ പൂർത്തിയാക്കുമെന്ന് കുവൈത്ത് കെ.എം.സി.സി ഭാരവാഹികൾ അറിയിച്ചു.