കർഫ്യൂ ലംഘകരിൽ പകുതിയും മദ്യലഹരിയിൽ

കുവൈത്ത്​ സിറ്റി: രാജ്യത്ത്​ കർഫ്യൂ നിയമലംഘനത്തിന്​ അറസ്​റ്റിലയാവരിൽ പകുതിയും മദ്യലഹരിയിലായിരുന്നെന്ന്​ റ ിപ്പോർട്ട്​. ഇവരെ പ്രോസിക്യൂഷന്​ കൈമാറി. മാനസികാസ്വാസ്ഥ്യമുള്ള ഒരാളെയും പിടികൂടി. മറ്റുള്ള കേസുകൾ ആഭ്യന്തര മന്ത്രാലയമാണ്​ അന്വേഷിക്കുന്നത്​.

ശിക്ഷാർഹമായ പെരുമാറ്റം എന്ന വകുപ്പിൽ പെടുത്തിയാണ്​ ഇവർക്കെതിരായ കുറ്റപത്രം. സ്വദേശികളും വിദേശികളും കർഫ്യൂ കർശനമായി പാലിക്കണമെന്ന്​ ആഭ്യന്തര മന്ത്രാലയം ആവർത്തിച്ച്​ ആവശ്യപ്പെട്ടു. അതിനിടെ കർഫ്യൂ ലംഘിക്കുന്നതിനെ കുറിച്ച്​ വിഡിയോ എടുത്ത്​ പ്രചരിപ്പിച്ച സ്​ത്രീ​യെ പൊലീസ്​ അറസ്​റ്റ്​ ചെയ്​തു.