Begin typing your search above and press return to search.
proflie-avatar
Login
exit_to_app
exit_to_app
Homechevron_rightGulfchevron_rightKuwaitchevron_rightകുവൈത്തിൽ തൽക്കാലം...

കുവൈത്തിൽ തൽക്കാലം കർഫ്യൂവും ലോക്​ഡൗണും നടപ്പാക്കില്ല

text_fields
bookmark_border
കുവൈത്തിൽ തൽക്കാലം കർഫ്യൂവും ലോക്​ഡൗണും നടപ്പാക്കില്ല
cancel
camera_alt

Photo Courtesy: arabian business

കുവൈത്ത്​ സിറ്റി: കുവൈത്തിൽ കോവിഡ്​ കേസുകളും തീവ്രപരിചരണ വിഭാഗത്തിലുള്ളവരുടെ എണ്ണവും വർധിച്ചുവരുന്ന സാഹചര്യത്തിലും തൽക്കാലം ലോക്​ഡൗണും കർഫ്യൂവും നടപ്പാക്കേണ്ടെന്ന ധാരണയിലാണ്​ അധികൃതർ. അതേസമയം, സാഹചര്യം നിരീക്ഷിച്ചുകൊണ്ടിരിക്കുകയും അനിവാര്യമായ ഘട്ടത്തിൽ കർശന നടപടികളിലേക്ക്​ പോകുകയും ചെയ്യും. മറ്റു നടപടികളിലൂടെ സ്ഥിതി നിയന്ത്രണ വിധേയമാക്കാനാണ്​ അധികൃതർ ശ്രമിക്കുന്നത്​.

ആരോഗ്യ സുരക്ഷ മാർഗനിർദേശങ്ങൾ പാലിക്കുന്നുവെന്ന്​ ഉറപ്പാക്കാൻ കർശന നടപടികൾ കൈക്കൊള്ളും. നേരത്തെ കർഫ്യൂവും ലോക്​ ഡൗണും പ്രഖ്യാപിച്ചിരുന്ന സമയത്തേക്കാൾ കൂടിയ നിലയിലാണ്​ ചികിത്സയിലുള്ളവരുടെ എണ്ണവും പുതിയ കേസുകളും ​തീവ്രപരിചരണ വിഭാഗത്തിലുള്ളവരുടെ എണ്ണവും ​മരണവും. വിപണിക്കും തൊഴിലിനും ഏൽക്കുന്ന ആഘാതം കണക്കിലെടുത്താണ്​ ലോക്​ ഡൗൺ പ്രഖ്യാപിക്കാത്തത്​. ജനങ്ങൾ ആരോഗ്യ സുരക്ഷ മാർഗനിർദേശങ്ങൾ കർശനമായി പാലിക്കണമെന്ന്​ അധികൃതർ ആവർത്തിച്ച്​ ആവശ്യപ്പെടുന്നുണ്ട്​. വാക്​സിനേഷൻ സുഗമമായി പുരോഗമിക്കുന്നതിനാൽ അടുത്ത മാസങ്ങളിൽ സ്ഥിതി മെച്ചപ്പെടുമെന്ന പ്രതീക്ഷയാണ്​ അധികൃതർക്കുളത്​.

ആഗോള തലത്തിൽ തന്നെ അനുഭവപ്പെടുന്ന വാക്​സിൻ ക്ഷാമം കുവൈത്തിലും പ്രതിഫലിക്കുന്നു. പരമാവധി വാക്​സിൻ ലഭ്യമാക്കാനുള്ള ഇടപെടൽ ആരോഗ്യ മന്ത്രാലയം നടത്തുന്നുണ്ട്​. ആഗസ്​റ്റ്​, സെപ്​റ്റംബർ മാസങ്ങളിൽ കൂടുതൽ ഡോസ്​ വാക്​സിൻ എത്തുമെന്നാണ്​ പ്രതീക്ഷ. സമീപ ആഴ്​ചകളിൽ പുതിയ കേസുകളും തീവ്രപരിചരണ വിഭാഗത്തിലുള്ളവരുടെ എണ്ണവും വർധിച്ചുവരികയാണ്​. അടുത്ത ആഴ്​ചകളിലും പുതിയ കേസുകളും ഗുരുതരാവസ്ഥയിലുള്ളവരുടെ എണ്ണവും വർധിച്ചുവരികയാണെങ്കിൽ ആരോഗ്യ മന്ത്രാലയം സമ്മർദ്ദത്തിലാകും.

ഇത്​ മുൻകൂട്ടിക്കണ്ടാണ്​ സ്വകാര്യ ആശുപത്രികളുടെ സഹായം അഭ്യർഥിച്ചത്​. സർക്കാർ, സ്വകാര്യ ആശുപത്രികളിൽ അടിയന്തരമല്ലാത്ത ശസ്​ത്രക്രിയകൾക്ക്​ മന്ത്രാലയം താൽക്കാലികമായി വിലക്ക്​ ഏർപ്പെടുത്തിയിട്ടുണ്ട്​. ഹവല്ലി, അഹ്​മദി ഗവർണറേറ്റുകളിലാണ്​ ​കോവിഡ്​ കേസുകൾ കൂടുതൽ.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:lockdownKuwaitCurfew
News Summary - Curfew and lockdown will not be enforced in Kuwait
Next Story