ഭാവിതലമുറ ഫണ്ടിലേക്കുള്ള തുക വൈകിപ്പിക്കാൻ ​നീക്കം

കുവൈത്ത്​ സിറ്റി: കുവൈത്ത്​ വരുമാനത്തിൽനിന്ന്​ ഭാവി തലമുറക്കു​ വേണ്ടി മാറ്റിവെക്കുന്ന 10​ ശതമാനം തുക തൽക്കാലം വൈകിപ്പിക്കാൻ സർക്കാർ ശ്രമിക്കുന്നതായി റിപ്പോർട്ട്​. ഇതിനായി പാർലമ​െൻറി​​െൻറ അനുമതി തേടുമെന്ന്​ പാർലമ​െൻററി വൃത്തങ്ങൾ സൂചിപ്പിച്ചു. കുവൈത്തിലെ നിയമപ്രകാരം വരുമാനത്തി​​െൻറ 10 ശതമാനം ഒാരോ വർഷവും ഭാവിതലമുറക്കായുള്ള ഫണ്ടിലേക്ക്​ മാറ്റിവെക്കണം​.

ബജറ്റ്​ കമ്മിയായാലും മിച്ചമായാലും ഇത്​ മാറ്റിവെക്കേണ്ടതുണ്ട്​. കോവിഡ്​ പ്രതിരോധത്തിന്​ വൻ തുക മാറ്റിവെക്കേണ്ടി വന്നതിനാലും മുഖ്യവരുമാനമായ പെട്രോളിയത്തി​​െൻറ വില പകുതിയിൽ താഴേക്ക്​ കൂപ്പുകുത്തിയതിനാലും സർക്കാർ സാമ്പത്തിക ഞെരുക്കത്തിലാണ്​​. വ്യവസായികളിൽനിന്നും കമ്പനികളിൽനിന്നും സംഭാവന സ്വീകരിച്ച്​ രാജ്യം പ്രത്യേക കോവിഡ്​ പ്രതിരോധ ഫണ്ട്​ രൂപവത്​കരിച്ചിട്ടുണ്ട്​. 100 കോടി ദീനാർ ഭാവിതലമുറ ഫണ്ടിലേക്ക്​ നൽകുന്നത്​ വൈകിപ്പിച്ച്​ കണ്ടെത്താനാണ്​ നീക്കം​.

രാജ്യം അസാധാരണ സാഹചര്യത്തിലൂടെ കടന്നുപോവുന്ന സാഹചര്യത്തിൽ പാർലമ​െൻറ്​ അനുമതി നൽകുമെന്നാണ്​ സർക്കാറി​​െൻറ പ്രതീക്ഷ. 14.78 ശതകോടി ദീനാറാണ്​ ബജറ്റിൽ രാജ്യത്തി​​െൻറ വരുമാനം. മുഖ്യവരുമാനമായ പെ​ട്രോളിയം ബാരലിന്​ 55 ഡോളർ വില കണക്കാക്കിയാണ്​ ബജറ്റ്​ തയാറാക്കിയത്​. ഇപ്പോൾ എണ്ണവില 28 ഡോളറിന്​ താഴെയാണ്​. യഥാർഥ വരുമാനം ബജറ്റിൽ കാണിച്ചതിനേക്കാൾ കുറവായിരിക്കും​. അപ്രതീക്ഷിത ചെലവുകൾ വന്നതിനാൽ കമ്മി ബജറ്റിൽ കാണിച്ചതിനേക്കാൾ കൂടുതലാവും. മുൻകാലങ്ങളിൽ 60,000 കോടി ഡോളർ കുവൈത്ത്​ ഫ്യൂച്ചർ ജനറേഷൻ ഫണ്ടിൽ നിക്ഷേപിച്ചിട്ടുണ്ട്​. ഇതിൽ ഭൂരിഭാഗവും വിദേശരാജ്യങ്ങളിലാണ്​.