നിരോധനാജ്​ഞ: എട്ടു സ്വദേശികളും ഏഴ് വിദേശികളും പിടിയിൽ

കുവൈത്ത് സിറ്റി: കോവിഡ് -19 പ്രതിരോധിക്കാനായി രാജ്യത്ത്​ നടപ്പില്‍ വരുത്തിയ ഭാഗിക നിരോധനാജ്ഞ ലംഘിച്ച 15 പേരെ സുരക്ഷാ സംഘം പിടികൂടി. ബുധനാഴ്ച നടത്തിയ പരിശോധനയിലാണ് ഇവരെ പിടികൂടിയത്.

എട്ടു സ്വദേശികളും ഏഴ് വിദേശികളുമാണ്​ അറസ്​റ്റിലായത്​. ആറുപേരെ അഹ്​മദി ഗവർണറേറ്റിൽനിന്നും നാലുപേരെ ഹവല്ലിയിൽനിന്നും മൂന്നുപേരെ ജഹ്‌റയില്‍നിന്നും ഒരാളെ വീതം കാപിറ്റൽ, ഫര്‍വാനിയ ഗവര്‍ണറേറ്റുകളില്‍നിന്നുമാണ്​ പിടികൂടിയത്​.

മുബാറക് അൽ കബീറില്‍നിന്ന്​ കേസുകള്‍ റിപ്പോര്‍ട്ട്​ ചെയ്തിട്ടില്ല. നിയമലംഘനം നടത്തിയവര്‍ക്കെതിരെ നടപടിയെടുക്കുമെന്ന് ആഭ്യന്തരമന്ത്രാലയം അറിയിച്ചു.