136 പേർ കൂടി നിരീക്ഷണ ക്യാമ്പ്​ വിട്ടു

കുവൈത്ത്​ സിറ്റി: കുവൈത്തിൽ കോവിഡ്​ നിരീക്ഷണ ക്യാമ്പുകളിൽ കഴിഞ്ഞിരുന്ന 136 പേർ കൂടി വീട്ടിലേക്ക്​ പോയി. ഇതോ ടെ നിരീക്ഷണ കാലം കഴിഞ്ഞ്​ ക്യാമ്പ്​ വിട്ടവരുടെ എണ്ണം 853 ആയി. അവസാന ഘട്ട പരിശോധന പൂർത്തിയാക്കി നെഗറ്റീവ്​ ആണെന്ന്​ ഉറപ്പാക്കിയാണ്​ ആളുകളെ വിട്ടയച്ചത്​.

ഇവർക്കാർക്കും രോഗ ലക്ഷണമില്ലെന്നും എല്ലാവരും പൂർണ ആരോഗ്യവാന്മാരാണെന്നും അധികൃതർ വ്യക്​തമാക്കി. എല്ലാവിധ സംരക്ഷണവും പരിചരണവും നൽകി ക്യാമ്പിൽ പാർപ്പിച്ച്​ നിരീക്ഷിച്ചാണ്​ ഇവരെ വീട്ടിലേക്കു പറഞ്ഞയച്ചത്. നിശ്ചിത ദിവസത്തേക്ക്​ വീട്ടിലും നിരീക്ഷണമുണ്ടാവുമെന്നും ആരോഗ്യമന്ത്രാലയം കൂട്ടിച്ചേർത്തു.